ପୁଣି ଆସନ୍ତା ୧୪ରେ ସାରା ଦେଶରେ ବିରୋଧ ପ୍ରଦର୍ଶନ

ନୂଆଦିଲ୍ଲୀ: ଦିଲ୍ଲୀରେ ଜୋର ଧରିଛି କୃଷି ଆନ୍ଦୋଳନ । କୃଷି ଆଇନରେ ସଂଶୋଧନ କୃଷକମାନଙ୍କ ପାଇଁ ଗ୍ରହଣୀୟ ନୁହେଁ । କେନ୍ଦ୍ର ଦେଇଥିବା ଆଇନରେ ସଂଶୋଧନ ପ୍ରସ୍ତାବକୁ ବିଚାର କରିବା ପରେ କୃଷକମାନେ ଏହାକୁ ଗ୍ରହଣ କରିବାକୁ ମନା କରିଦେଇଥିଲେ ଏବଂ ସେମାନଙ୍କର କାର୍ୟ୍ୟଦକ୍ଷତାକୁ ଆହୁରି ଜୋରଦାର କରିବେ ବୋଲି କହିଥିଲେ। ସରକାର ଏହି ଆଇନ ପ୍ରତ୍ୟାହାର କରିବାକୁ ସେମାନେ ଦାବି କରିଛନ୍ତି। ୧୪ ତାରିଖ ଦିନ ସାରା ଦେଶରେ ପ୍ରଦର୍ଶନ କରିବାକୁ କୃଷକମାନେ ଚେତାବନୀ ଦେଇଛନ୍ତି। ଏହି ପ୍ରସ୍ତାବ ପ୍ରତ୍ୟାଖ୍ୟାନ ହେବା ପରେ କୃଷି ମନ୍ତ୍ରୀ ନରେନ୍ଦ୍ର ସିଂ ତୋମାର ଏବଂ ରେଳମନ୍ତ୍ରୀ ପୀୟୁଷ ଗୋୟଲ ଗୃହମନ୍ତ୍ରୀ ଅମିତ ଶାହାଙ୍କ ସହ ଆଲୋଚନା କରିଥିଲେ। ବର୍ତ୍ତମାନ କୃଷକମାନେ ମଧ୍ୟ ସରକାରଙ୍କ ସହ ଆଲୋଚନା କରିବାକୁ ମନା କରି ଦେଇଛନ୍ତି।