ଏୟାର ସିସିଟିଭି ରାଡାର ପାଇଁ ଭାରତ ଶ୍ରୀଲଙ୍କାକୁ ଯୋଗାଇଲା ୨୦୦ ମିଲିୟନ ମୂଲ୍ୟର ସ୍ପେୟାର

ନୂଆଦିଲ୍ଲୀ: ଏକ ଗୁରୁତ୍ୱପୂର୍ଣ୍ଣ ଘଟଣାକ୍ରମରେ ଭାରତ ଶ୍ରୀଲଙ୍କାକୁ ଏୟାର ସିସିଟିଭି ରାଡାର ନିର୍ମାଣ ପାଇଁ ୨୦୦ ମିଲିୟନ ଟଙ୍କା ମୂଲ୍ୟର ସ୍ପେୟାର ବା ଆନୁଷଙ୍ଗିକ ଯନ୍ତ୍ରପାତି ଯୋଗାଇ ଦେଇଛି। ଭାରତୀୟ ବାୟୁସେନାର ଏଏନ-୩୨ ବିମାନ ଏହି ସମସ୍ତ ସ୍ପେୟାର ସହିତ ଜାନୁଆରି ୧୦ରେ ଶ୍ରୀଲଙ୍କାରେ ଅବତରଣ କରିଥିଲା। ପରେ ଶ୍ରୀଲଙ୍କା ବାୟୁସେନା କମାଣ୍ଡର ଏୟାର ମାର୍ଶଲ ସୁଦର୍ଶନ ପାଥିରାନାଙ୍କୁ ଶ୍ରୀଲଙ୍କାରେ ଅବସ୍ଥାପିତ ଭାରତୀୟ ହାଇ କମିଶନର ଗୋପାଳ ବାଗଲେ ଆନୁଷ୍ଠାନିକ ଭାବେ ହସ୍ତାନ୍ତର କରିଥିଲେ। ଭାରତ ଆଇଜିଏଲଏ କ୍ଷେପଣାସ୍ତ୍ର ପ୍ରଣାଳୀକୁ ୨୦୦୭ରେ ଏକ ‘ଶୁଭେଚ୍ଛା’ କାର୍ୟ୍ୟକ୍ରମର ଅଂଶଭାବେ ଶ୍ରୀଲଙ୍କାକୁ ଉପହାର ଭାବେ ପ୍ରଦାନ କରିଥିଲା। ଏହାପରେ ଶ୍ରୀଲଙ୍କା ସହିତ ଏକ ଉଚ୍ଚ ସ୍ତରୀୟ ପ୍ରତିରକ୍ଷା ଯୋଗଦାନର ଏକ ଅଂଶ ଭାବରେ, ଭାରତ ଚଳିତ ମାସ ଆରମ୍ଭରେ ଶ୍ରୀଲଙ୍କାକୁ ୩୪୧ ଇନ୍ଦ୍ର ରାଡାର ସ୍ପେୟାର ଯୋଗାଇ ଦେଇଥିଲା। ୨୦୧୧ରେ ମଧ୍ୟ ଶ୍ରୀଲଙ୍କା ବାୟୁସେନା ଦ୍ୱାରା ଭାରତକୁ ଦିଆଯାଇଥିବା ୪ ଟି ଇନ୍ଦ୍ର ଏମକେ-୧୧ ଆକାଶ ମାର୍ଗ ନୀରିକ୍ଷଣ ରାଡାର ଯୋଗାଇ ଦେଇଥିଲା। ଇନ୍ଦ୍ର ଏମକେ ୧୧ ରାଡାର ହେଉଛି ଏକ ମୋବାଇଲ ୨ଡି ରାଡାର ଯାହା କମ ଉଚ୍ଚତାରେ ଉଡ଼ୁଥିବା ବିମାନ ଚିହ୍ନଟ କରିବାରେ ସକ୍ଷମ। ପ୍ରତିରକ୍ଷା ଅନୁସନ୍ଧାନ ଏବଂ ବିକାଶ ସଂଗଠନ (ଡିଆରଡିଓ)ର ଇଲେକ୍ଟ୍ରୋନିକ୍ସ ଏବଂ ରାଡାର ଡେଭଲପମେଣ୍ଟ ଏଷ୍ଟାବ୍ଲିସମେଣ୍ଟ (ଏଲଆରଡିଇ) ୱିଙ୍ଗ ଦ୍ୱାରା ସେଗୁଡିକ ବିକଶିତ କରାଯାଇଛି ଭରତ ଇଲେକ୍ଟ୍ରୋନିକ୍ସ ଦ୍ୱାରା ନିର୍ମିତ ହୋଇଛି।