ବଡବିଲ ଡେଲି ମାର୍କେଟରେ ଅଗ୍ନିକାଣ୍ଡ

ବଡବିଲ :  ଶନିବାର ଭୋର ପ୍ରାୟ ୩ଟାରୁ ୪ଟା ମଧ୍ୟରେ ସାହୁ ରେଡିମେଡ୍‌ ଗାର୍ମେଣ୍ଟରେ ଅଗ୍ନିକାଣ୍ଡ ଘଟିଥିଲା ।  ନିଆଁ ଲାଗିବା ଜାଣିପାରି ଆଖପାଖ ଅଞ୍ଚଳର ଲୋକେ ଦୋକାନ ମାଲିକ ଓ ଅଗ୍ନିଶମ ବିଭାଗକୁ ଖବର ଦେଇଥିଲେ । ସୂଚନା ପାଇ ଦମକଳ ବାହିନୀ ସେଠାରେ ପହଞ୍ଚି ନିଆଁକୁ ଆୟତ୍ତ କରିଥିଲେ । ଫଳରେ ଅନ୍ୟ ଦୋକାନକୁ ନିଆଁ ବ୍ୟାପୀ ପାରିନଥିଲା ଏବଂ ଏକ ବଡ ଧରଣର ଅଗ୍ନିକାଣ୍ଡ ହେବାରୁ ରକ୍ଷା ପାଇଯାଇଥିଲା । ତେବେ ସର୍ଟ ସର୍କିଟ୍ ଯୋଗୁଁ ଏହି ଅଗ୍ନିକାଣ୍ଡ ଘଟିଥିବା କୁହାଯାଉଛି । ଏହି ଘଟଣା ପୂର୍ବରୁ ମଧ୍ୟ ବଡ଼ବିଲ ଡେଲି ମାର୍କେଟରେ ଏକାଧିକ ଥର ଅଗ୍ନିକାଣ୍ଡ ଘଟିସାରିଛି । ଏଭଳି ପରିସ୍ଥିତିରେ ମାର୍କେଟରେ ଥିବା ଦୋକାନଗୁଡିକରେ ଅଗ୍ନି ନିରାପତ୍ତା ବ୍ୟବସ୍ଥା କରିବା ଜରୁରୀ ହୋଇପଡ଼ିଛି ।