ସିଙ୍ଗହମ୍ ଙ୍କ ଅଶାନ୍ତିପୁର୍ଣ୍ଣ ଯାତ୍ରା, ୬ଥର ଫିଲ୍ମ ଇଣ୍ଟଷ୍ଟ୍ରୀରୁ ହୋଇଥିଲେ ବ୍ୟାନ୍ …

ଆଜି ଅଭିନେତା ପ୍ରକାଶ ରାଜଙ୍କ ଜନ୍ମ ଦିନ । ତାଙ୍କର ଏହି ଜନ୍ମ ଦିନରେ ଜାଣିବା ତାଙ୍କ ଜୀବନର କିଛି ସଂଘର୍ଷମୟ କାହାଣୀ ବିଷୟରେ….. ପ୍ରକାଶ ରାଜ କେବଳ ତେଲୁଗୁ ଚଳଚ୍ଚିତ୍ର ଇଣ୍ଟଷ୍ଟ୍ରୀରେ ନିଜର ପରିଚୟ ସୃଷ୍ଟି କରି ନାହାନ୍ତି, ବରଂ ବଲିଉଡ଼ରେ ମଧ୍ୟ ସେ ନିଜର ଏକ ଭିନ୍ନ ପରିଚୟ ସୃଷ୍ଟି କରିପାରିଛନ୍ତି । ପ୍ରାକାଶ ଅଧିକାଂଶ ବଲିଉଡ଼ ଚଳଚ୍ଚିତ୍ରରେ ଜଣେ ଭିଲେନ୍ ଭୁମିକାରେ ଅଭିନୟ କରିଛନ୍ତି । ତାଙ୍କୁ ବିଶେଷ ‘ୱାଣ୍ଟେଡ଼’ ଏବଂ ପରେ ‘ସିଙ୍ଗହମ୍ ‘ଚଳଚ୍ଚିତ୍ରରେ ଲୋକେ ବେଶ୍ ପ୍ରଶଂସା କରିଥିଲେ । ଅଭିନୟ ଦ୍ୱାରା ନାମ ଅର୍ଜନ କରିଥିବା ଅଭିନେତା ପ୍ରକାଶ ରାଜ ତାଙ୍କ ବ୍ୟକ୍ତିଗତ ଜୀବନ ବିଷୟରେ ବହୁତ ସମୟରେ ଚର୍ଚ୍ଚାରେ ଆସିଥାନ୍ତି । ତାଙ୍କ ଜୀବନରେ ଅନେକ ଉତ୍ଥାନ – ପତନ ଘଟିଥିଲେ ମଧ୍ୟ ସେ କେବେ ଏହି ଜୀବନ ସଂଘର୍ଷରେ ହାର ମାନି ନାହାନ୍ତି ।

ପ୍ରକାଶ ରାଜଙ୍କ ପ୍ରକୃତ ନାଁ ହେଉଛି ପ୍ରାକାଶ ରାୟ । ଦୁରଦର୍ଶନର ଏକ ଧାରାବାହିକରେ ‘ବିସିଲୁ କିଡ଼ୁର’ ରୁ ନିଜର ଅଭିନୟ କ୍ୟାରିୟର ଆରମ୍ଭ କରିଥିଲେ । ୧୯୯୪ରେ ସେ ତାମିଲ ସିନେମାରେ ଡ଼େବୁ୍ୟ କରିଥିଲେ । ମାତ୍ର ୩୦୦ ଟଙ୍କାରେ ସେ ନିଜର ଅଭିନୟ ଜୀବନ ଆରମ୍ଭ କରିଥିଲେ । ପରେ ତେଲୁଗୁ, ତାମିଲ, କନ୍ନଡ ଚଳଚ୍ଚିତ୍ରରେ ଅଭିନୟ କରି ଦର୍ଶକଙ୍କ ହୃଦୟ ଜିତିଥିଲେ । ପ୍ରକାଶ ରାଜ ପ୍ରାୟ ୨ ହଜାରରୁ ଅଧିକ ନାଟକରେ ଅଭିନୟ କରିଛନ୍ତି । ଏହା ପରେ ହିନ୍ଦୀ ଚଳଚ୍ଚିତ୍ର ଆଡକୁ ଯାଇ ସଲମାନ ଖାନଙ୍କ ଫିଲ୍ମ ‘ୱାଣ୍ଟେଡ’ ଅଭିନୟ କରିଥିଲେ । ଏହି ଚଳଚ୍ଚିତ୍ରରେ ‘ଗାନି ଭୋଇ’ ଭୂମିକାରେ ଅଭିନେତା ଭିଲେନ୍ ଭୂମିକାରେ ଅଭିନୟ କରିଥିଲେ । ଏହା ପରେ ସେ ‘ସିଙ୍ଗହମ୍’, ‘ବୁଢ୍ା ହୋଗା ଟେରା ବାପ୍’, ‘ହେରୋପନ୍ଥୀ’ ଭଳି ଚଳଚ୍ଚିତ୍ରରେ କାମ କରିଥିଲେ ।

ପ୍ରକାଶ ରାଜ ଅନେକ ଫିଲ୍ମ ମଧ୍ୟ କରିଛନ୍ତି । ପ୍ରକାଶଙ୍କୁ ତାଙ୍କର ୨୯ ବର୍ଷର ଚଳଚ୍ଚିତ୍ର କ୍ୟାରିୟରରେ ପାଞ୍ଚ ଥର ଜାତୀୟ ପୁରସ୍କାର ପାଇଛନ୍ତି l କିନ୍ତୁ ପ୍ରକାଶ ତାଙ୍କର ପ୍ରଣାଳୀ ଏବଂ ବିବୃତ୍ତି ହେତୁ ଅନେକ ଥର ହେଡଲାଇନରେ ରହିଆସିଛନ୍ତି । ଏହି କାରଣରୁ ତେଲୁଗୁ ଚଳଚ୍ଚିତ୍ର ଇଣ୍ଡଷ୍ଟ୍ରି ତାଙ୍କୁ ୬ ଥର ବ୍ୟାନ କରିଛି । ପ୍ରଥମ ଥର ପାଇଁ ତେଲୁଗୁ ଚଳଚ୍ଚିତ୍ର ଇଣ୍ଡଷ୍ଟ୍ରି ଦ୍ୱାରା ଜଣେ ଅଭିନେତାଙ୍କୁ ବାରଣ କରାଯାଇଥିଲା ।

ପ୍ରକାଶ ତାଙ୍କ ଚଳଚ୍ଚିତ୍ର କ୍ୟାରିୟରରେ ଯେତିକି ସଫଳ ହୋଇଛନ୍ତି, ଏହା ଅପେକ୍ଷା ତାଙ୍କ ବ୍ୟକ୍ତିଗତ ଜୀବନରେ ବହୁତ ଘେରରେ ରହି ଆସିଛନ୍ତି । ପ୍ରକାଶ ରାଜଙ୍କ ପ୍ରଥମ ବିବାହ ୧୯୯୪ ରେ ତାମିଲ ଅଭିନେତ୍ରୀ ଲଳିତା କୁମାରୀଙ୍କ ସହ ହୋଇଥିଲା । ଲଲିତା ଏବଂ ପ୍ରକାଶଙ୍କର ତିନୋଟି ସନ୍ତାନ , ଯେଉଁଥିରୁ ୨୦୦୪ ରେ ସେମାନଙ୍କର ପୁଅଙ୍କର ମୃତ୍ୟୁ ହୋଇଯାଇଥିଲା। ତାଙ୍କର ଦୁଇ ଝିଅର ନାମ ମେଘନା ଏବଂ ପୂଜା ହୋଇଥିବାବେଳେ ପୁଅର ନାମ ସିଦ୍ଧୁ ଥିଲା । ୨୦୦୯ ରେ, ପ୍ରକାଶ ଏବଂ ଲଲିତା ପାରସ୍ପରିକ ସହମତିରେ ଛାଡପତ୍ର ଦେଇଥିଲେ ।

ତାଙ୍କର ପ୍ରଥମ ପତ୍ନୀଙ୍କଠାରୁ ଛାଡପତ୍ର ହେବା ପରେ ପ୍ରକାଶ ରାଜ, ‘ତାଙ୍କ ଏବଂ ଲଲିତାଙ୍କ ମଧ୍ୟରେ ବହୁତ ପାର୍ଥକ୍ୟ ଥିଲା l  ତାଙ୍କ ତିନୋଟି ସନ୍ତାନ, ଦୁଇ ଝିଅ ଏବଂ ଗୋଟିଏ ପୁଅ ଥିଲେ କିନ୍ତୁ ଯେତେବେଳେ ତାଙ୍କ ପୁଅ ପାଞ୍ଚ ବର୍ଷ ହୋଇଥିଲା, ସେମାନେ ତାଙ୍କୁ ହରାଇଥିଲେ l ଏହା ପରେ ସାନ ଝିଅ ଜନ୍ମ ହୋଇଥିଲା l ଏହାପରେ ୨୦୦୯ ରେ ସେ ପ୍ରଥମ ସ୍ତ୍ରୀକୁ ଛାଡପତ୍ର ଦେଇଥିଲେ l

ଛାଡପତ୍ର ପୂର୍ବରୁ, ସେ ତାଙ୍କ ଝିଅ ମାନଙ୍କ ସହିତ ବସି ବୁଝାଇଥିଲେ ଯେ ସେମାନେ କାହିଁକି ଛାଡ଼ପତ୍ର ଦେଲେ ବୋଲି । ଛାଡ଼ପତ୍ର ଦେଇଥିଲେ ମଧ୍ୟ ତାଙ୍କର ତାଙ୍କ ଝିଅ ମାନଙ୍କ ସହ ସମ୍ପର୍କ ଆଜି ମଧ୍ୟ ସମାନ ରହିଛି l ଏହା ପରେ, ୨୦୧୦ ରେ, ପ୍ରକାଶ କୋରିଓଗ୍ରାଫର ପନି ବର୍ମାଙ୍କୁ ବିବାହ କରିଥିଲେ । ପନି ପ୍ରକାଶ ରାଜଙ୍କଠାରୁ ୧୨ ବର୍ଷ ସାନ l ପନି ଏବଂ ପ୍ରକାଶଙ୍କର ଏକ ପୁଅ ମଧ୍ୟ ଅଛି l