ଡିସେମ୍ବର ସୁଦ୍ଧା ସବୁ ପଡା ଗ୍ରାମ ହେବ ରାଜସ୍ବ ଗ୍ରାମ : ରାଜସ୍ଵ ସଚିବ

କୋରାପୁଟ ୧୭।୯: ରାଜସ୍ବ ବିଭାଗ ପ୍ରମୁଖ ଶାସନ ସଚିବଙ୍କ କୋରାପୁଟ ଗସ୍ତ । ସରକାରୀ ଯୋଜନାର କାର୍ଯ୍ୟକାରିତା ନେଇ କଲେ ସମୀକ୍ଷା । ଜିଲ୍ଲାର ଶିକ୍ଷା, ସ୍ବାସ୍ଥ୍ୟ, ଜଳସେଚନ କର୍ମ ନିଯୁକ୍ତି, ଜଙ୍ଗଲ ବିଭାଗ ସମେତ ରାଜସ୍ବ ଆଦାୟ ଆଦି ବିଭିନ୍ନ ବିନ୍ଦୁ ଉପରେ କରିଛନ୍ତି ସମୀକ୍ଷା। କୋରାପୁଟ ଜିଲ୍ଲାପାଳ ସମେତ ଜିଲ୍ଲାର ସମସ୍ତ ବିଭାଗର ଅଧିକାରୀମାନେ ସମୀକ୍ଷା ବୈଠକରେ ଉପସ୍ଥିତ ରହିଥିଲେ ।

ଭୁବନେଶ୍ବରରୁ ବିମାନଯୋଗେ ଆସି ଜୟପୁର ରେ ଅବତରଣ କରିଥିଲେ । ଜୟପୁର ଏୟାର ଷ୍ଟ୍ରିପରୁ ସିଧାସଳଖ କୋରାପୁଟ ସଦଭାବନା ସଭା ଗୃହକୁ ଆସି ସମୀକ୍ଷା ବୈଠକରେ ଯୋଗ ଦେଇଥିଲେ । ଆକାଂକ୍ଷା ଜିଲ୍ଲାର ମାନଦଣ୍ଡ ଅନୁସାରେ ସମସ୍ତ ବିଭାଗୀୟ ଅଧିକାରୀଙ୍କୁ ଜିଲ୍ଲାର ବିକାଶ ମୂଳକ କାର୍ଯ୍ୟର ତ୍ବରାନ୍ବିତ କରିବା ପାଇଁ ନିର୍ଦ୍ଦେଶ ଦେଲେ । ୫ଟି ସେକ୍ଟରରେ ଶହେଟି ଇଣ୍ଡିକେଟରରେ କାର୍ଯ୍ୟ ଆଗେଇବାକୁ ନିର୍ଦ୍ଦେଶ ଦେଇଥିଲେ। ଜିଲ୍ଲାର ସମସ୍ତ ପଡା ଗ୍ରାମକୁ ଡିସେମ୍ବର ମାସ ଶେଷ ସୁଦ୍ଧା ରାଜସ୍ବ ଗ୍ରାମର ମାନ୍ୟତା ଦିଆଯିବା ଉପରେ କାର୍ଯ୍ୟ ଆରମ୍ଭ କରିବାକୁ ନେଇ ବିଭାଗୀୟ ଅଧିକାରୀଙ୍କୁ ନେଇ ସମୀକ୍ଷା କରାଯାଇଛି।