ଭୁବନେଶ୍ୱରରୁ ୨୨ କରୋନା ଆକ୍ରାନ୍ତ ଚିହ୍ନଟ

ଭୁବନେଶ୍ୱର ମହାନଗର ନିଗମ ଅଂଚଳରେ ଆଉ ୨୨ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି ।୩ ଆକ୍ରାନ୍ତ ଘରେ ସଂଗରୋଧରେ ଥିବା ବେଳେ ୧୯ ଜଣ ସ୍ଥାନୀୟ ଆକ୍ରାନ୍ତ ବୋଲି ବିଏମସି ପକ୍ଷରୁ ସୂଚନା ଦିଆଯାଇଛି । ୧୯ ସ୍ଥାନୀୟ ଆକ୍ରାନ୍ତଙ୍କ ମଧ୍ୟରେ ୧୬ ଜଣ ଏକ ଘରୋଇ ଡାକ୍ତରଖାନା କର୍ମଚାରୀ ବୋଲି ସ୍ପଷ୍ଟ କରିଛି ବିଏମସି । ଏହି ୧୬ ଜଣଙ୍କ ମଧ୍ୟରେ ୩ ଜଣ ପୁରୁଷ କର୍ମଚାରୀ ଥିବା ବେଳେ ୧୩ ଜଣ ମହିଳା ଅଛନ୍ତି । ସେହିଭଳି ଚନ୍ଦ୍ରଶେଖରପୁର ନିଳାଦ୍ରୀବିହାରରୁ ୨ଟି ଲୋକାଲ କେସ ସାମ୍ନାକୁ ଆସିଛି । ଶୈଳଶ୍ରୀବିହାରର ମଧ୍ୟ ଜଣେ ସ୍ଥାନୀୟ ଆକ୍ରାନ୍ତ ଚିହ୍ନଟ ହୋଇଛନ୍ତି । ସେହିଭଳି ଘରେ ସଂଗରୋଧରେ ଥିବା ୩ ଜଣ ଆକ୍ରାନ୍ତ ହେଉଛନ୍ତି ଚନ୍ଦ୍ରଶେଖରପୁର ମୈତ୍ରି ବିହାର, ବିଏସଏସ ନଗର ଓ ରେଲୱେ କର୍ମଚାରୀ ।