ଜାଣନ୍ତୁ ମିସ୍ ଇଣ୍ଡିଆ ପ୍ରତିଯୋଗୀତାରେ କିପରି ପହଞ୍ଚିଥିଲେ ସ୍ମୃତି ଇରାନୀ, ଭିଡିଓ ସେୟାର କଲେ ଏକତା କପୁର

ଏକତା କପୁର ଏବଂ କେନ୍ଦ୍ରମନ୍ତ୍ରୀ ସ୍ମୃତି ଇରାନୀଙ୍କ ବନ୍ଧୁତ୍ୱ ବିଷୟରେ ସମସ୍ତେ ଜାଣିଛନ୍ତି । ଉଭୟଙ୍କ ବନ୍ଧୁତ୍ୱ “କ୍ୟୋକି ଶାସ ଭି କଭି ବହୁ ଥି” ସମୟରୁ ହୋଇଛି । ଦୁଇ ଜଣ ନିଜ ନିଜ କ୍ଷେତ୍ରରେ ସଫଳତା ହାସଲ କରିଥିଲେ । ଏକତା ସୋସିଆଲ ମିଡିଆରେ ପୁରୁଣା ସ୍ମୃତି ସବୁ ସେୟାର କରିଥାନ୍ତି । ଏସବୁ ମଧ୍ୟରେ ସେ ପୁଣି ଥରେ ସ୍ମୃତି ଇରାନୀଙ୍କର ଏକ ଭିଡିଓ ସେୟାର କରିଛନ୍ତି । ଏହି ଭିଡିଓ ୧୯୯୮ ମସିହାର ।

ଏକତା ଏହି ଭିଡିଓ ସେୟାର କରିବା ସହ ଲେଖିଛନ୍ତି, “ମୋ ବନ୍ଧୁ ସ୍ମୃତି ଇରାନୀ ମିସ୍ ଇଣ୍ଡିଆ ପ୍ରତିଯୋଗୀତାରେ ଭାଗ ନେଇ ନିଜର କ୍ୟାରିୟର କରିଥିଲେ । ଏହି ପ୍ରତିଯୋଗୀତାରେ ସେ ବିଜେତା ହୋଇପାରି ନଥିଲେ ସତ କିନ୍ତୁ ଘରେ ଘରେ ନିଜର ପରିଚୟ ସୃଷ୍ଟି କରିପାରିଥିଲେ । ଏହା ସେହି ଲୋକମାନଙ୍କ ପାଇଁ ଯେଉଁମାନେ ଭାବିଥାନ୍ତି, ସଫଳତା ଖୁବ୍ ସହଜରେ ମିଳିଥାଏ କିନ୍ତୁ ବାସ୍ତବରେ ଏଥିପାଇଁ ବହୁତ କଷ୍ଟ କରିବାକୁ ପଡିଥାଏ । ଏହାକୁ ହାସଲ କରିବା ବହୁତ କଷ୍ଟ ଏବଂ ଯେଉଁ ଲୋକ ଏହାକୁ ହାସଲ କରିଥାନ୍ତି ସେମାନେ କଠିନ ପରିଶ୍ରମ କରିଥାନ୍ତି । ଆଜି ସେ ଜଣେ ମନ୍ତୟୀ । ତାଙ୍କର ସମ୍ପୂର୍ଣ୍ଣ ବ୍ୟକ୍ତିତ୍ୱ ହିଁ ବଦଳି ଯାଇଛି ।”

View this post on Instagram

Appreciation Post for my friend Smriti Irani who started off not winning Miss India but went on to become a household name. This is for people who think that success comes easy…it is tough, it is hard but it comes to all those who work hard. Smriti became a household name, today is a minister. Her whole persona has changed into a powerful yet humble politician. But when she started off, she was a meek, shy, simple girl who had walked into Balaji…and we knew her smile would win hearts. Recently, a colleague of hers, who hasn't worked with her, called her up for help, she immediately helped that person. That shows, even today she maintains relations with people who were working with her once. This humility and this attachment to her roots, makes her a fantastic person. So proud of you my friend! @smritiiraniofficial

A post shared by Erk❤️rek (@ektarkapoor) on Jun 26, 2020 at 1:08am PDT

ଆଗକୁ ଏକତା ଏହା ମଧ୍ୟ ଲେଖିଛନ୍ତି, ଯେତେବେଳେ ସ୍ମୃତି ନିଜର କ୍ୟାରିୟର ଆରମ୍ଭ କରିଥିଲେ ସେତେବେଳେ ସେ ବହୁତ ଲାଜକୁଳି ଏବଂ ସାଧାରଣ ଝିଅ ଥିଲେ । କିିନ୍ତୁ ଏହି ଝିଅ ସମସ୍ତଙ୍କ ମନକୁ କିଣିପାରିବ ବୋଲି ତାଙ୍କ ହସ ଦେଖି ଜଣାପଡିଥିଲା । ସ୍ମୃତି ଆଜି ମଧ୍ୟ ଅନ୍ୟ ଲୋକଙ୍କୁ ସାହାଯ୍ୟ କରିବା ପାଇଁ ତୁରନ୍ତ ହଁ କହିଥାନ୍ତି । ତାଙ୍କର ଏହି ବ୍ୟବହାର ଅନ୍ୟମାନଙ୍କ ଠାରୁ ସ୍ୱତନ୍ତୟ ପରିଚୟ ଦେଇଥାଏ । ମୁଁ ତୁମକୁ ନେଇ ବହୁତ ଗର୍ବିତ ।

ରିପୋର୍ଟ ଅନୁଯାୟୀ ୨୦୦୦ମସିହାରେ ସ୍ମୃତି ସିରିୟଲ “ଆତିସ” ଏବଂ “ହମ ହେ କଲ ଆଜ ଅର୍ କଲ” ଛୋଟ ପରଦାରେ ଏଣ୍ଟ୍ରି କରିଥିଲେ । ଦୁଇଟି ସିରିୟଲ ଷ୍ଟାର ପ୍ଲସରେ ପ୍ରସାରିତ ହୋଇଥିଲା । କିନ୍ତୁ ଏକତା କପୁରଙ୍କ ଶୋ’ “କ୍ୟୋକି ଶାସ ଭି କଭି ବହୁ ଥି”ରେ ସ୍ମୃତି ଇରାନୀ ଘରେ ଘରେ ନିଜର ପରିଚୟ ସୃଷ୍ଟି କରିପାରିଥିଲେ ।

ସୂଚନା ମୁତାବକ “ତୁଲସୀ ଭିରାନୀ”ର ଅଭିନୟ କରି ଲୋକପ୍ରିୟ ହୋଇଥିବା ସ୍ମୃତି ଇରାନୀଙ୍କୁ ପ୍ରଥମେ ଏକତା କପୁରଙ୍କ ଟିମ୍ ରିଜେକ୍ଟ କରିଦେଇଥିଲା । ଏହି ଘଟଣା ସ୍ମୃତି ନିଜେ ଖୁଲାସା କରି କହିଥିଲେ, “ମୁଁ ୨୦ ବର୍ଷ ପର୍ଯ୍ୟନ୍ତ ଟେଲିଭିଜନ ସହ ଯୋଡି ହୋଇ ରହିଛି । ଏହା ମତେ ରାଜନୀତିକୁ ଆସିବାର ପ୍ଲେଟଫର୍ମ ଦେଇଛି । ଏଥିପାଇଁ ମୁଁ ସର୍ବଦା ଟେଲିଭିଜନର କୃତଜ୍ଞ ରହିବି । ଏହାବ୍ୟତୀତ ଏକତା କପୁର ମତେ ବହୁତ ସପୋର୍ଟ କରିଛନ୍ତି । ଅନେକ ଝିଅମାନଙ୍କ ସହ ଯେତେବେଳେ ଏଠାରେ ମୁଁ ଅଡିସନ୍ ଦେବାକୁ ଆସିଥିଲି ସେତେବେଳେ ମୁଁ ଟିଭିରେ ଅଭିନୟ କରିବା ପାଇଁ ଫିଟ୍ ନଥିଲି । ଏନେଇ ଟିମ୍ ମତେ ରିଜେକ୍ଟ କରିବା ପରେ କେବଳ ଏକତା ହିଁ ମତେ ସିଲେକ୍ଟ କରିଥିଲେ ।