ପୀୟୁଷ ଗୋଏଲଙ୍କୁ ମିଳିଲା ଖାଦ୍ୟ ମନ୍ତ୍ରାଳୟର ଅତିରିକ୍ତ ଦାୟିତ୍ୱ

ନୂଆଦିଲ୍ଲୀ: କେନ୍ଦ୍ରମନ୍ତ୍ରୀ ରାମବିଳାସ ପାଶ୍ୱାନଙ୍କ ଗୁରୁବାର ଦିନ ପରଲୋକ ଘଟିଛି । ତେବେ ତାଙ୍କ ଖାଦ୍ୟ ଓ ସାଧାରଣ ବଣ୍ଟନ ବିଭାଗର ଦାୟିତ୍ୱ ପୀୟୁଷ ଗୋଏଲଙ୍କୁ ପ୍ରଦାନ କରାଯାଇଛି । ଏହା ସହ ପୀୟୁଷ ଗୋଏଲ ରେଳମନ୍ତ୍ରାଳୟ ସହିତ ବାଣିଜ୍ୟ ଓ ଉଦ୍ୟୋଗ ମନ୍ତ୍ରାଳୟର କ୍ୟାବିନେଟ ମନ୍ତ୍ରୀ ରହିଛନ୍ତି । ଦୀର୍ଘଦିନ ଧରି ରାମବିଳାସ ଅସୁସ୍ଥ ହୋଇ ଦିଲ୍ଲୀର ଏକ ଘରୋଇ ଡାକ୍ତରଖାନାରେ ଭର୍ତ୍ତୀ ହେଇଥିଲେ । ମାତ୍ର ଗତକାଲି ସନ୍ଧ୍ୟାରେ ତାଙ୍କର ମୃତ୍ୟୁ ଘଟିଥିଲା ।