କଟକ : ବିଦ୍ୟୁତ ଟ୍ରାନ୍ସଫର୍ମର ଚୋରି ଅଭିଯୋଗରେ ଚୋରକୁ ଧରି ପୋଲିସ ଜିମାଦେଲେ ଗ୍ରାମବାସୀ । ଦୀର୍ଘ ଦିନ ହେଲା ଗାଁରେ ହୋଇଥିବା ଲୁଟ୍ ମାମଲାରେ ସଂପୃକ୍ତି ଥିବାର ଅଭିଯୋଗ ଆସିଛି । କଟକ ଜିଲ୍ଲା ମାହାଙ୍ଗ ଅଞ୍ଚଳରେ ଘଟଣା ।
ଖବର ଅନୁଯାୟୀ, ମାହାଙ୍ଗା ଅଞ୍ଚଳର ବିଭିନ୍ନ ସ୍ଥାନରୁ ନିୟମିତ ଭାବେ ଲୁଟେରା ମାନେ ରାତିରେ ବିପିଏଲ ବିଦ୍ୟୁତ୍ ଟ୍ରାନ୍ସଫର୍ମରକୁ ଖୋଲି ସେଥିରୁ କପର ତାର, ତେଲ ଓ ଅନ୍ୟାନ୍ୟ ମୂଲ୍ୟବାନ ଯନ୍ତ୍ରାଂଶ ଚୋରିକରି ନେଇଯାଉଥିଲା । ଗତ କାଲି ବିଳମ୍ବିତ ରାତିରେ ମାହାଙ୍ଗା ଥାନା ପଛପଟ ମାହାଙ୍ଗା ହାଟ ଛକ ନିକଟରୁ ଲୁଟେରା ମାନେ ବିଦ୍ୟୁତ୍ ଟ୍ରାନ୍ସଫର୍ମର ଚୋରି କରୁଥିବା ସମୟରେ ଗ୍ରାମବାସୀ ମାନେ ଆସିଯାଇଥିଲେ । ଯାହାଫଳରେ ଲୁଟ୍ କରୁଥିବା ଜଣକୁ କାବୁ କରିଥିବା ବେଳେ ଅନ୍ୟମାନେ ଘଟଣାସ୍ଥଳରୁ ଖସି ଯିବାରେ ସକ୍ଷମ ହୋଇଛନ୍ତି ।
ତେବେ ଧରାପଡିଥିବା ଲୁଟେରା ନିକଟରୁ ଟ୍ରାନ୍ସଫର୍ମର ଅନ୍ୟାନ୍ୟ ସାମଗ୍ରୀ, ଏକ ବାଇକ ଜବତ କରାଯାଇଛି । ସମସ୍ତ ଚୋରୀ ସାମଗ୍ରୀ ସହିତ ଲୁଟେରାକୁ ମାହାଙ୍ଗା ପୋଲିସ ଜିମା ଦେଇଛନ୍ତି ଗ୍ରାମବାସୀ । ତେବେ ଧରାପଡିଥିବା ଯୁବକର ଘର ସାଲେପୁର ଥାନା ମିର୍ଜାପୁର ଗାଁର ଅନିଲ ରାଉତ ବୋଲି ସେ କହୁଥିବା ବେଳେ ପୋଲିସ ତାକୁ ଅଟକ ରଖି ଘଟଣାର ତଦନ୍ତ ଜାରି ରଖିଛି । ଏହି ଲୁଟ ମାମଲାରେ ପାଞ୍ଚ ଜଣରୁ ଅଧିକ ଲୁଟେରା ସାମିଲ ଥିବା ସ୍ଥାନୀୟ ଗ୍ରାମବାସୀମାନେ କହିଛନ୍ତି।
Visitors Today : 5
Total Visitors : 130174
Total Views : 9891621
Visitors Online Now : 0