ଦକ୍ଷିଣ କୋରିଆ ଗସ୍ତରେ ସେନା ମୁଖ୍ୟ ଜେନେରାଲ ନରୱାଣେ

ନୂଆଦିଲ୍ଲୀ: ଆଜି ସେନା ମୁଖ୍ୟ ଜେନେରାଲ ଏମଏମ ନରୱାନେ ଦକ୍ଷିଣ କୋରିଆ ଗସ୍ତରେ ଯାଇଛନ୍ତି। ତାଙ୍କର ଏହି ଗସ୍ତ ସମୟରେ ସେ କୋରିଆ ଦେଶର ବରିଷ୍ଠ ପ୍ରତିରକ୍ଷା ଅଧିକାରୀଙ୍କ ସହ ଦ୍ୱିପାକ୍ଷିକ ସାମରିକ ସହଯୋଗକୁ ବିସ୍ତାର କରିବାର ଉପାୟ ଉପରେ ଆଲୋଚନା କରିବେ। ପ୍ରାୟ ଦୁଇ ସପ୍ତାହ ପୂର୍ବରୁ ସେନା ମୁଖ୍ୟ ସଂଯୁକ୍ତ ଆରବ ଏମିରେଟ୍ସ ଏବଂ ସାଉଦି ଆରବକୁ ଗୋଟେ ଦିନିଆ ଗସ୍ତରେ ଯାଇଥିଲେ। ଦକ୍ଷିଣ କୋରିଆର ରାଜଧାନୀ ସିଓଲରେ ଜେନେରାଲ ନରୱାନେ ଦେଶର ପ୍ରତିରକ୍ଷା ମନ୍ତ୍ରୀ, ସେନା ମୁଖ୍ୟ ତଥା ଯୁଗ୍ମ କର୍ମଚାରୀଙ୍କ ସହ ସାକ୍ଷାତ କରିବାର କାର୍ୟ୍ୟକ୍ରମ ରହିଛି। ଜେନେରାଲ ନରୱାନେ ଦକ୍ଷିଣ କୋରିଆର ପ୍ରତିରକ୍ଷା କ୍ରୟ ଯୋଜନା ପ୍ରଶାସନ ମନ୍ତ୍ରୀଙ୍କୁ ମଧ୍ୟ ଭେଟିବେ। ସେନା ଏକ ବିବୃତ୍ତିରେ କହିଛି ଯେ ସେନା ମୁଖ୍ୟ ଭାରତ ଏବଂ କୋରିଆ ମଧ୍ୟରେ ପ୍ରତିରକ୍ଷା ସମ୍ପର୍କକୁ ଆହୁରି ଆଗକୁ ବଢେଇବା ପାଇଁ ଆଲୋଚନା କରିବେ। ସେନା ମୁଖ୍ୟ ନରୱାନେ ଗାଙ୍ଗୱୋନ୍ ପ୍ରଦେଶର କୋରିଆ “ଯୁଦ୍ଧ ତାଲିମ କେନ୍ଦ୍ର” ଏବଂ ଡେଜିଓନ୍ରେ “ଉନ୍ନତ ପ୍ରତିରକ୍ଷା ବିକାଶ” ପରିଦର୍ଶନ କରିବେ।