ଲମତାପୁଟ : କୋରାପୁଟ ଜିଲ୍ଲା   ମାଛକୁଣ୍ଡ    ଅଞ୍ଚଳରୁ  ଜୟପୁର    ଚାଲାଣ ବେଳେ   ମାଛକୁଣ୍ଡ  ପୋଲିସ ହାତରେ ଧରା ପଡିଛି  ବିପୁଳ ପରିମାଣର ଗଞ୍ଜେଇ ।   କୋରାପୁଟ  ଏସପି ବରୁନ ଗୁଣ୍ଠପାଲିଙ୍କ ନିର୍ଦ୍ଦେଶକ୍ରମେ ନନ୍ଦପୁର ଏଡିପିଓଙ୍କ ତତ୍ତ୍ବାବଧାନରେ କାଙ୍ଗ୍ରାପଡା   ଗ୍ରାମ ନିକଟରେ  ମାଛକୁଣ୍ଡ , ଲମତାପୁଟ ଏବଂ ଜୋଲାପୁଟ ପୋଲିସ   ମାଛକୁଣ୍ଡ    ଅଞ୍ଚଳରୁ ଆସୁଥିବା ଅଟୋକୁ  ଅଟକାଇ ଥିଲେ ।  ଅଟୋଟି  ଅଟକିବା ପରିବର୍ତ୍ତେ  ଅନ୍ୟ ରାସ୍ତାକୁ  ପଳାଇବାକୁ ଉଦ୍ୟମ କରୁଥିବା  ବେଳେ ଅଟୋ  ଡ୍ରାଇଭରକୁ କାବୁ କରିଥିଲା ପୋଲିସ ।

ଅଟୋକୁ ଯାଞ୍ଚ କରିବାରୁ  ଅଟୋ ପଛପଟେ ୪ଟି ବସ୍ତାରେ ବିପୁଳ ପରିମାଣରେ ଗଞ୍ଜେଇ ଥିବା  ଜଣାପଡିଥିଲା ।  ଗଞ୍ଜେଇ ଚାଲାଣ ବେଳେ ବ୍ୟବହୃତ ହୋଇଥିବା ଅଟୋ ସହ ଜଣକୁ ଅଟକ ରଖିଛି ପୋଲିସ ।   ଏହି ଅଟୋରେ   ପ୍ରାୟ ୧୫୦  କେଜି  ଗଞ୍ଜେଇ ଥିବା ଜାଣିବାକୁ ପାଇଥିଲା ପୋଲିସ । ଏହାର ମୂଲ୍ୟ ୧୫ ଲକ୍ଷ ହେବ ବୋଲି ପୋଲିସ ସୂଚନା ଦେଇଛି ।  ଅଟକ ଥିବା ଡ୍ରାଇଭର ଜଣକ  ଲେଞ୍ଜା ଗ୍ରାମର  ୧୯ ବର୍ଷ ବୟସର କୃଷ୍ଣ ଖିଲ   ବୋଲି ପୋଲିସ ସୂଚନା ଦେଇଛି  । ମାଛକୁଣ୍ଡ ପୋଲିସ ୨୦୨୦ ମସିହାରୁ ଆଜି ପର୍ୟ୍ୟନ୍ତ ୩୯ଟି  ଗଞ୍ଜେଇ କେସ୍  ପଞ୍ଜିକରଣ କରିଥିବା ବେଳେ ୩୭ ଜଣକୁ କୋର୍ଟ ଚାଲାଣ କରିଛି ।  ସେହି କେସରେ  ୮୫ କ୍ବିଣ୍ଟାଲ ୬୮ କେଜି ଗଞ୍ଜେଇ ଜବତ କରିଥିବା ବେଳେ ୨୯ ଗାଡି ସିଜ୍ କରିଛି ।