ଆଇଗିଣିଆରେ ମର୍ମନ୍ତୁଦ ସଡ଼କ ଦୁର୍ଘଟଣା, ମହିଳା ଗୁରୁତର

ଭୁବନେଶ୍ୱର: ଭୁବନେଶ୍ୱର ଆଇଗିଣିଆ ଛକରେ ଘଟିଛି ମର୍ମନ୍ତୁଦ ସଡ଼କ ଦୁର୍ଘଟଣା । ସ୍କୁଟିକୁ ଟ୍ରକ ଧକ୍କା ଦେବା ଫଳରେ ଏହି ଦୁର୍ଘଟଣା ଘଟିଛି । ଘଟଣାସ୍ଥଳରେ ସ୍କୁଟି ଆରୋହୀଙ୍କ ହାତ ଓ ଗୋଡ଼ରେ ଟ୍ରକ୍ ଚଢ଼ିଯିବା ଫଳରେ ମହିଳା ଜଣଙ୍କ ଅବସ୍ଥା ଗୁରୁତର ହୋଇଛି । ମହିଳା ଜଣଙ୍କ ଅନେକ ସମୟ ଧରି ରାସ୍ତାରେ ପଡ଼ିରହିଥିଲେ । ଖବରପାଇ ପୁଲିସ ଘଟଣା ସ୍ଥଳରେ ପହଞ୍ଚି ଗୁରୁତର ମହିଳାଙ୍କୁ ହସ୍ପିଟାଲ ନେଇଛି । ତେବେ ମହିଳା ଜଣଙ୍କର ପରିଚୟ ମିଳିପାରିନାହିଁ ।