“ବିଗବସ୍” ଶୋ’ ପ୍ରସାରିତ କରୁଥିବା ଚ୍ୟାନେଲ କିଛି କହୁ କି ନକହୁ କିନ୍ତୁ ଯେଉଁଦିନ ଏହି ଗେମ୍ ପ୍ରତିଯୋଗୀମାନଙ୍କୁ ନେଇ ଆରମ୍ଭ ହେବ ସେହିଦିନ ମୁମ୍ବାଇ ସହରର ଚାରିଆଡେ ଗୋଟିଏ ପ୍ରଶ୍ନ ହେବ ବିଗବସ୍ ର କ’ଣ ହେବ? କାରଣ ସୁଶାନ୍ତ ସିଂହ ରାଜପୁତଙ୍କ ଆତ୍ମହତ୍ୟା ପରେ ହିନ୍ଦୀ ସିନେମାର କିଛି ବଡ ବଡ କଳାକାରଙ୍କ ନାଁରେ ଦାଗ ଲାଗିଛି । ଏନେଇ ଗତ ଶୁକ୍ରବାର ଦିନ ପ୍ରଥମେ କରଣ ଜୋହରଙ୍କ ମୁମ୍ବାଇ ଫିଲ୍ମ ଫେଷ୍ଟିଭାଲ ବୋର୍ଡରୁ ଇସ୍ତଫା ଦେବାର କଥା ସାମ୍ନାକୁ ଆସିଥିଲା । ସେହିପରି ବର୍ତ୍ତମାନ ଆଜି ସକାଳୁ ସଲମାନ ଖାନ୍ ଙ୍କ ଶୋ’ ବିଗବସ୍ ର ସୁଟିଂ ଟାଳି ଦିଆଯିବାନେଇ ଚର୍ଚ୍ଚା ହୋଇଛି ।
ଦେଶରେ କରୋନା ଭାଇରସ ସମୟରେ ଚାଲିଥିବା ଲକଡାଉନ ପାଇଁ ବିଗବସ୍ର ସୁଟିଙ୍ଗ ହୋଇ ପାରୁନାହଁ । ସୂଚନା ଅନୁଯାୟୀ ଅକ୍ଟୋବର ପ୍ରଥମ ସପ୍ତାହରେ ଆରମ୍ଭ ହେବାକୁ ଥିବା ସୁଟିଂ ଯାହା ଏବେ ଅକ୍ଟୋବର ଶେଷ କିମ୍ଭା ନଭେମ୍ବରରେ ଆରମ୍ଭହେବ । ଗତବର୍ଷ ୧ ଅକ୍ଟୋବରରେ ଆରମ୍ଭ ହୋଇଥିବା ଏହି ଶୋ’ର ସୁଟିଂ ସେଟ ଅପେକ୍ଷା ଚଳିତ ବର୍ଷ ସେଟ କିଛି ଅଲଗା ହେବ । ଶୋ’ର ନିର୍ମାତାମାନେ ଏହି ମାସରୁ ଅନଲାଇନରେ ରେଜିଷ୍ଟେସନ ଆରମ୍ଭ ହେବା ସହ ଏଥିରେ ଭାଗ ନେଉଥିବା ପ୍ରତିଯୋଗୀମାନଙ୍କର ଏକ ସଟ ଲିଷ୍ଟ ମଧ୍ୟ ତିଆରି ହୋଇଛି । ଏନେଇ ଶୋ’ ରେ ଜଡିତ ଥିବା ଟିମ୍ ୩୦ଜଣଙ୍କୁ ମନୋନିତ କରିଛନ୍ତି । ଚଳିତ ବର୍ଷ ବିଗବସ ରେ ପ୍ରଥମେ ୧୬ଜଣ ନଜର ଆସିବେ । ଏହି ୧୬ଜଣଙ୍କ ମଧ୍ୟରୁ ୧୩ଜଣ ସେଲିବ୍ରେଟି ଓ ୩ଜଣ ସାଧାରଣ ଲୋକ ରହିଛନ୍ତି । ରିପୋର୍ଟ ଅନୁଯାୟୀ ଏଥର ସୁଟିଂ ପାଇଁ ମୁମ୍ବାଇ ସହରରେ ଏହାର କାମ ମଧ୍ୟ ଆରମ୍ଭ ହୋଇଗଲାଣି । ସୂଚନା ଯୋଗ୍ୟ ଚଳିତ ବର୍ଷ ଶୋ’ ର ସୁଟିଙ୍ଗ ଆରମ୍ଭ ହେବା ପୂର୍ବରୁ ଏଥିରେ ଭାଗ ନେଉଥିବା ପ୍ରତିଯୋଗୀମାନଙ୍କୁ ଗୋଟେ ସପ୍ତାହ କ୍ୱାରେଣ୍ଟିନରେ ରହିବା ପାଇଁ ସ୍ଥିର କରାଯାଇଛି
Visitors Today : 0
Total Visitors : 130166
Total Views : 9891611
Visitors Online Now : 0