ଆଜି ରାଜ୍ୟରେ ଆରୋଗ୍ୟ ହେଲେ ୨୫୧୯ କରୋନା ଆକ୍ରାନ୍ତ

ସେପ୍ଟେମ୍ବର ୧ରୁ ଦେଶ ସହ ରାଜ୍ୟରେ ଅନଲକ-୪ ଆରମ୍ଭ ହେବାକୁ ଯାଉଛି। ଅନ୍ୟପଟେ କରୋନା ସଂକ୍ରମଣ ଦ୍ରୁତ ଗତିରେ ବଢି ଚାଲିଛି। ଗତ କିଛି ଦିନ ହେବ ରାଜ୍ୟରେ ଦୈନିକ ୩ ହଜାରରୁ ଉର୍ଦ୍ଧ୍ଵ ନୂତନ ଆକ୍ରାନ୍ତ ଚିହ୍ନଟ ହେବା ପରେ ସଂକ୍ରମିତଙ୍କ ସଂଖ୍ୟା ଲକ୍ଷେ ଟପିଲାଣି। ଅନ୍ୟପଟେ ଆକ୍ରାନ୍ତଙ୍କୁ ତାଳ ଦେଇ କରୋନା ରୋଗୀ ସୁସ୍ଥ ହୋଇ ଘରକୁ ଫେରୁଛନ୍ତି। ଏହି କ୍ରମରେ ଗତ ୨୪ ଘଣ୍ଟାରେ ରାଜ୍ୟର ୩୦ ଜିଲ୍ଲାରୁ ୨୫୧୯ ଆକ୍ରାନ୍ତ ଆରୋଗ୍ୟଲାଭ କରିଛନ୍ତି। ଏହାକୁ ମିଶାଇ ଓଡିଶାରେ ସୁସ୍ଥଙ୍କ ସଂଖ୍ୟା ୭୩୨୩୩କୁ ବୃଦ୍ଧି ଘଟିଛି। ରାଜ୍ୟ ସ୍ଵାସ୍ଥ୍ୟ ଓ ପରିବାର କଲ୍ୟାଣ ବିଭାଗ ତରଫରୁ ଟ୍ଵିଟ୍ ଯୋଗେ ଏହାର ସୂଚନା ଦିଆଯାଇଛି।