ଏମ.ରାଜେଶ୍ୱର ରାଓ ହେଲେ ଭାରତୀୟ ରିଜର୍ଭ ବ୍ୟାଙ୍କର ଡେପୁଟି ଗଭର୍ଣ୍ଣର

ନୂଆଦିଲ୍ଲୀ : ଏମ.ରାଜେଶ୍ୱର ରାଓ ହେଲେ ଭାରତୀୟ ରିଜର୍ଭ ବ୍ୟାଙ୍କର ଡେପୁଟି ଗଭର୍ଣ୍ଣର । ସେ ଭାରତୀୟ ରିଜର୍ଭ ବ୍ୟାଙ୍କର କାର୍ଯ୍ୟନିର୍ବାହୀ ନିର୍ଦେଶକ ଥିବା ବେଳେ ତାଙ୍କୁ ଗୁରୁବାର ନୂଆ ଡେପୁଟି ଗଭର୍ଣ୍ଣର ଭାବେ ନିଯୁକ୍ତି ଦିଆଯାଇଛି । ନିଯୁକ୍ତି ସମ୍ପର୍କିତ କ୍ୟାବିନେଟ କମିଟି ତାଙ୍କୁ ନିଯୁକ୍ତିକୁ ମଞ୍ଜୁରୀ ପ୍ରଦାନ କରିଛି । ୨୦୧୬ ନଭେମ୍ବରରେ ଶ୍ରୀ ରାଓଙ୍କୁ ରିଜର୍ଭ ବ୍ୟାଙ୍କର ଇଡି ଭାବେ ନିଯୁକ୍ତି ମିଳିଥିଲା। ତା’ ପୂର୍ବରୁ ସେ ରିଜର୍ଭ ବ୍ୟାଙ୍କର ଫାଇନାନ୍ସିଆଲ୍ ମାର୍କେଟ ଅପରେସନ ବିଭାଗର ସିଜିଏମ୍ ଭାବେ କାର୍ୟ୍ୟ କରୁଥିଲେ। ୧୯୮୪ରେ ସେ ରିଜର୍ଭ ବ୍ୟାଙ୍କରେ ଯୋଗ ଦେଇଥିଲେ।