ରାଫେଲ ପାଇଁ ବାୟୁସେନାକୁ ଶୁଭେଚ୍ଛା ଜଣାଇଲେ ଧୋନୀ

ନୂଆଦିଲ୍ଲୀ : ଭାରତୀୟ ବାୟୁ ସେନା ପାଇଁ ଗୁରୁବାର ହେଉଛି ଏକ ଐତିହାସିକ ଦିନ । ଫ୍ରାନ୍ସରୁ କିଣାଯାଇଥିବା ୫ଟି ଲଢୁଆ ରାଫେଲ ଯୁଦ୍ଧ ବିମାନ ଆଜି ଭାରତୀୟ ବାୟୁ ସେନାରେ ବିଧିବଦ୍ଧ ଭାବେ ସାମିଲ ହୋଇଛି । ଏଥିପାଇଁ ଅମ୍ବାଲା ବିମାନ ବନ୍ଦରରେ ଆୟୋଜିତ ସମାରୋହରେ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହଙ୍କ ସହିତ ଫ୍ରାନ୍ସର ପ୍ରତିରକ୍ଷା ମନ୍ତ୍ରୀ ପ୍ଲୋରେଂସ ପାର୍ଲି ମଧ୍ୟ ଉପସ୍ଥିତ ଥିଲେ । ଏଭଳି ଏକ ଖୁସି ମୂହୁର୍ତ୍ତରେ ଭାରତୀୟ କ୍ରିକେଟ ଟିମର ପୂର୍ବତନ ଅଧିନାୟକ ମହେନ୍ଦ୍ର ସିଂ ଧୋନୀ ମଧ୍ୟ ବାୟୁସେନାକୁ ଶୁଭେଚ୍ଛା ଜଣାଇଛନ୍ତି ।

Wishing The Glorious 17 Squadron(Golden Arrows) all the very best and for all of us hope the Rafale beats the service record of the Mirage 2000 but Su30MKI remains my fav and the boys get new target to dogfight with and wait for BVR engagement till their upgrade to Super Sukhoi

— Mahendra Singh Dhoni (@msdhoni) September 10, 2020

‘ବାୟୁ ସେନାର ସୁବର୍ଣ୍ଣ ଯୁଗରେ ରାଫେଲ ବିମାନ ସାମିଲ ହୋଇଥିବାରୁ ସୁଭେଚ୍ଛା । ଆଶା କରୁଛି କି ରାଫେଲ ମିରାଜ-୨୦୦୦କୁ ପଛରେ ପକାଇବ କିନ୍ତୁ ସୁଖୋଇ ମୋର ଏବେବି ପସନ୍ଦ । ତାହା ସହିତ ଏବେ ଭାରତୀୟ ଯବାନ ମାନଙ୍କୁ ଶତ୍ରୁ ପକ୍ଷକୁ ଅତି ସହଜରେ ପରାସ୍ତ କରିବା ପାଇଁ ଏକ ନୁଆ ଲକ୍ଷ ମିଳିଗଲା’ ବୋଲି ଧୋନୀ ଟ୍ୱିଟ କରି କହିଛନ୍ତି ।