ଓସ୍କାର ପାଇଁ ମନୋନିତ ହେଲା ‘ସରଦାର ଉଧମ’ ଏବଂ ‘ଶେରନୀ’

ବଲିଉଡ ଅଭିନେତା ଭିକି କୌଶଲଙ୍କ ଫିଲ୍ମ ‘ସର୍ଦ୍ଦାର ଉଦାମ’ ଏବଂ ବିଦ୍ୟା ବାଲାନଙ୍କ ଫିଲ୍ମ ‘ଶେରନୀ’ ୯୪ ଏକାଡେମୀ ପୁରସ୍କାରର ଶ୍ରେଷ୍ଠ ଆନ୍ତର୍ଜାତୀୟ ଫିଚର ଫିଲ୍ମ ବର୍ଗରେ ସ୍ଥାନ ପାଇଛି । ଭାରତର ସରକାରୀ ତାଲିକାରେ ଭିକି ଏବଂ ବିଦ୍ୟାଙ୍କ ଫିଲ୍ମ ସମେତ ୧୪ ଟି ଚଳଚ୍ଚିତ୍ର ରହିଛି । ଓସ୍କାର ଦୌଡ଼ରେ ଅନ୍ତର୍ଭୁକ୍ତ ‘ଶେରନୀ’ରେ ମୁଖ୍ୟ ଭୂମିକାରେ ଶରଦ ସକ୍ସେନା, ମୁକୁଲ ଚଢା, ବିଜୟ ରାଜ, ଇଲା ଅରୁଣ, ବ୍ରିଜେନ୍ଦ୍ର କାଲା ଏବଂ ନୀରଜ କବି ପ୍ରମୁଖ ଭୂମିକାରେ ନଜର ଆସିଛନ୍ତି । ନିର୍ଦ୍ଦେଶକ ଅମିତ ମାସୁକର ଏହାର ନିର୍ଦ୍ଦେଶନା ଦେଇଛନ୍ତି । ଏହି ଚଳଚ୍ଚିତ୍ରଟି ଆମାଜନ ପ୍ରାଇମରେ ମୁକ୍ତିଲାଭ କରିଥିଲା । ଏଥି ସହିତ ଭିକି କୌଶଲଙ୍କ ଫିଲ୍ମ ‘ସର୍ଦ୍ଦାର ଉଧମ’ ଯୋଦ୍ଧା ସର୍ଦ୍ଦାର ଉଧମ ସିଂଙ୍କ ଜୀବନୀ ଉପରେ ଆଧାରିତ ଏକ ବାୟୋପିକ ଫିଲ୍ମ ଅଟେ । ବିଦ୍ୟା ବାଲାନ୍ ଫିଲ୍ମ ‘ଶେରନୀ’ରେ ବନ ଅଧିକାରୀ ଭୂମିକାରେ ଅଭିନୟ କରିଥିଲେ । ବିବାହ ଏବଂ ଏକ ଅଜବ ଚାକିରି ମଧ୍ୟରେ ଫସି ରହିଥିବା ବିଦ୍ୟାଙ୍କ ଚରିତ୍ର ବହୁତ ଶକ୍ତିଶାଳୀ ବୋଲି ଦର୍ଶାଯାଇଛି । ବିଦ୍ୟା ମଣିଷ ଏବଂ ପଶୁମାନଙ୍କ ମଧ୍ୟରେ ଶତ୍ରୁତାକୁ ସମାପ୍ତ କରୁଥିବା ଦେଖିବାକୁ ମିଳିଛି ।