ହସ୍ପିଟାଲରେ ଭର୍ତ୍ତି ହେଲେ ସୌରଭ ଗାଙ୍ଗୁଲୀ

କଲିକତା: ଭାରତୀୟ ଦଳର ପୂର୍ବତନ ଅଧିନାୟକ ତଥା ବିସିସିଆଇ ଅଧ୍ୟକ୍ଷ ସୌରଭ ଗାଙ୍ଗୁଲି ହସ୍ପିଟାଲରେ ଭର୍ତ୍ତି ହୋଇଛନ୍ତି । ଜିମରେ ବ୍ୟାୟମ କରୁଥିବା ସମୟରେ ହଠାତ ଅସୁସ୍ଥ ହୋଇପଡିଥିଲେ ସୌରଭ । ଏହା ପରେ ତାଙ୍କୁ ଉଡଲ୍ୟାଣ୍ଡ ହସ୍ପିଟାଲକୁ ନିଆଯାଇଥିଲା । ତେବେ ତାଙ୍କୁ ହାତ ଏବଂ ପିଠିରେ ଯନ୍ତ୍ରଣା ହେବା ସହିତ ତାଙ୍କ ଆଖି ଆଗରେ ଅନ୍ଧାର ଦେଖାଦେଇଥିଲା ବୋଲି ଗାଙ୍ଗୁଲି ଡାକ୍ତରଙ୍କ ନିକଟରେ ସ୍ପଷ୍ଟ କରିଛନ୍ତି । ଅନ୍ୟପଟେ ତାଙ୍କର ସ୍ୱାସ୍ଥ୍ୟବସ୍ଥା ସ୍ଥିର ରହିଛି ବୋଲି ଡାକ୍ତରମାନେ ଗଣମାଧ୍ୟମ ନିକଟରେ ସ୍ପଷ୍ଟ କରିଛନ୍ତି ।