ଗଲୱାନ ଘାଟିରେ ସହିଦ ହୋଇଥିବା ଭାରତୀୟ ଯବାନଙ୍କ ଉପରେ ଫିଲ୍ମ କରିବେ ଅଜୟ ଦେବଗନ

ବଲିଉଡର ଚର୍ଚ୍ଚିତ ଅଭିନେତା ଅଜୟ ଦେବଗନ ମଧ୍ୟ୍ୟ କୌଣସି ଦେଶ ପ୍ରେମୀଙ୍କଠୁ କମ୍ ନୁହଁନ୍ତି। ଅଜୟ ଦେବଗନ ଗଲୱାନ ଘାଟିରେ ସହିଦ ହୋଇଥିବା ୨୦ଜଣ ଯବାନଙ୍କ ବୀରତ୍ୱ ଉପରେ ଏକ ଫିଲ୍ମ ନିର୍ମାଣ କରିବାକୁ ଯାଉଛନ୍ତି । ଏହାକୁ ନେଇ ସିନେମା ସମିକ୍ଷକ ତରଇ ଆଦର୍ଶ ସୋସିଆଲ ମିଡିଆରେ ଘୋଷଣା କରିଛନ୍ତି ଯେ ଅଜୟ ଦେବଗନ ଗଲୱାନ ଘାଟିରେ ସହିଦ ହୋଇଥିବା ବିରତ୍ୱ ଉପରେ ଏକ ଫିଲ୍ମ ନିର୍ମାଣ କରିବାକୁ ଯାଉଛନ୍ତି । ଫିଲ୍ମର ଟାଇଟଲ୍ ଏବେ ଯାଏଁ ଫାଇନାଲ ହୋଇନାହିଁ । ଫିଲ୍ମର କାଷ୍ଟ ମଧ୍ୟ ଏବେ ଯାଏଁ ଚିନ୍ତା କରାଯାଇନାହିଁ ।
ସୂଚନା ଅନୁଯାୟୀ ଏହି ଫିଲ୍ମଟିକୁ ଅଜୟ ଦେବଗନଙ୍କ ନିଜ ପ୍ରଡକ୍ସନ ହାଉସରେ ତିଆରି କରିବେ । ଏହି ଫିଲ୍ମରେ ସେହି ୨୦ ସୈନିକଙ୍କ କାହାଣୀ ଦେଖାଯିବ । ଯେଉଁମାନେ ଚିନୀର ଆର୍ମିଙ୍କ ସହ ମୁକାବିଲା କରିଥିଲେ । ଗଲୱାନ ଘାଟିରେ ଫିଲ୍ମ ନିର୍ମାଣ କରିବା କୌଣସି ନୂଆ କଥା ନୁହେଁ କାରଣ ସେ ଏପରି ଅନେକ ସତ୍ୟ ଘଟଣା ଉପରେ ଆଧାରିତ ଫିଲ୍ମ ନିର୍ମାଣ କରିଛନ୍ତି । ପୂର୍ବ ଫିଲ୍ମ ତାନାଜୀ ରେ ନିଜର ଚମକôାର ଅଭିନୟ କରି ଦର୍ଶକଙ୍କ ମନ ଜିଣିଥିଲେ ଅଜୟ ଦେବଗନ । ଏହା ପୂର୍ବରୁ ପାକିସ୍ତାନ ବିରୋଧରେ କରାଯାଇଥିବା ସର୍ଜିକାଲ୍ ଷ୍ଟ୍ରାଇକ୍ ଉପରେ ମଧ୍ୟ ଫିଲ୍ମ ନିର୍ମାଣ କରାଯାଇଥିଲା । ଫିଲ୍ମର ନାଁ ଥିଲା ଉରି-ଦ ସର୍ଜିକାଲ୍ ଷ୍ଟାଇକ୍ । ଏଥିରେ ଅଭିନେତା ବିକି କୌଶଲ୍ ନଜର ଆଜିଥିଲେ ।