ଅର୍ଥନୀତି ପାଇଁ ଖୁସି ଖବର,ଡିସେମ୍ବରରେ ୧.୧୫ ଲକ୍ଷ କୋଟିର ଜିଏସଟି ସଂଗ୍ରହ

୨୦୨୦ ଶେଷ ସମୟରେ ଭାରତୀୟ ଅର୍ଥନୀତିକୁ ଭଲ ଫାଇଦା ହୋଇଛି । ଦ୍ରବ୍ୟ ଏବଂ ସେବା କର ସଂଗ୍ରହ ଡିସେମ୍ବରରେ ସର୍ବକାଳୀନ ସର୍ବାଧିକ ୧.୧୫ ଲକ୍ଷ କୋଟିରେ ପହଞ୍ଚିଛି । ନୂଆ ବର୍ଷର ପ୍ରଥମ ଦିନରେ ସରକାର ଦେଶକୁ ଏହି ଖୁସି ଖବର ଦେଇଛନ୍ତି । ଲକଡାଉନ୍ ଖୋଲିବା ପରେ ଅର୍ଥନୀତି ପୁଣିଥରେ ଫେରି ଆସୁଛି ଏହା ଏକ ସୂଚକ । ଅର୍ଥ ମନ୍ତ୍ରଣାଳୟ ଦ୍ୱାରା ଶୁକ୍ରବାର ଦିନ ପ୍ରକାଶିତ ତଥ୍ୟ ଅନୁଯାୟୀ ଦେଶର ଜିଏସଟି ରାଜସ୍ୱ ସଂଗ୍ରହ ଡିସେମ୍ବରରେ ୧,୧୫,୧୭୪ କୋଟି ଟଙ୍କା ରହିଛି । ଜିଏସଟିର ସମଗ୍ର ଇତିହାସର ଏହା ହେଉଛି ସର୍ବାଧିକ ମାସିକ ସଂଗ୍ରହ । ପ୍ରଥମ ଥର ପାଇଁ ଜିଏସଟି ଆକଳନ ୧.୧୫ ଲକ୍ଷ କୋଟି ଅତିକ୍ରମ କରିଛି । ଏହା ପୂର୍ବରୁ ଏପ୍ରିଲ ୨୦୧୯ ରେ ସର୍ବାଧିକ ଜିଏସଟି ସଂଗ୍ରହ ୧,୧୩,୮୬୬ କୋଟି ଟଙ୍କା ଥିଲା । ଏଥିରେ କେନ୍ଦ୍ର ସରକାରଙ୍କ ଜିଏସଟି ସଂଗ୍ରହ ୨୧,୩୬୫ କୋଟି ଏବଂ ରାଜ୍ୟ ଜିଏସଟି ୨୭,୮୦୪ କୋଟି ଟଙ୍କା ଥିଲା । ସେହିଭଳି ମୋଟ ଇଣ୍ଟିଗ୍ରେଟେଡ୍ ଜିଏସ୍ଟି ୫୭,୪୨୬ କୋଟି ଟଙ୍କା ଥିଲା, ଯେଉଁଥିରୁ ସେସ୍ ୮,୫୭୯ କୋଟି ଟଙ୍କା । ନଭେମ୍ବର ମାସ ପାଇଁ ମୋଟ ୮୭ ଲକ୍ଷ ଆଇଟି ରିଟର୍ଣ୍ଣ ଦାଖଲ କରାଯାଇଛି ।ଏହି ପରି ଭାବରେ, ଡିସେମ୍ବର ମାସରେ କେନ୍ଦ୍ର ଏବଂ ରାଜ୍ୟଗୁଡିକର ମୋଟ ଜିଏସଟି ରାଜସ୍ୱ ଯଥାକ୍ରମେ ୪୪,୬୪୧ କୋଟି ଏବଂ ୪୫,୪୮୫ କୋଟି ଟଙ୍କା ଥିଲା।