ନିର୍ବାଚନ ପ୍ରଚାର ପାଇଁ ବାବୁଲଙ୍କୁ ମମତା ଦେଲେନି ଗୁରୁତ୍ୱ

ପଶ୍ଚିମବଙ୍ଗର ଚାରି ବିଧାନସଭା ଆସନରେ ଅକ୍ଟୋବର ୩୦ରେ ହେବାକୁ ଥିବା ଉପ ନିର୍ବାଚନ ପାଇଁ ଟିଏମସି ଷ୍ଟାର ପ୍ରଚାରକଙ୍କ ତାଲିକା ଜାରି କରିଛି। ଏଥିରେ ମମତା ବାନାର୍ଜୀ ଏବଂ ଅଭିଷେକ ବାନାର୍ଜୀଙ୍କ ସମେତ ଅନେକ ନେତାଙ୍କ ନାମ ରହିଛି । ହେଲେ ଏଥିରେ ବାବୁଲ ସୁପ୍ରିୟୋଙ୍କୁ ସ୍ଥାନ ମିଳିନି । ମମତା ବାନାର୍ଜୀ ବାବୁଲଙ୍କୁ ଭବାନୀପୁର ଉପ ନିର୍ବାଚନରେ ବିଜେପି ନେତା ପ୍ରିୟଙ୍କା ଟିବେୱାଲଙ୍କ ବିରୋଧରେ ପ୍ରଚାର କରିବାକୁ କହିଥିଲେ । ମାତ୍ର ବାବୁଲ ପ୍ରଚାର କରିବାକୁ ମନା କରି ଦେଇଥିଲେ । ବାବୁଲ କହିଥିଲେ, ଟିବେୱାଲ ଦୀର୍ଘ ସମୟରୁ ତାଙ୍କର ଜଣେ ଉତ୍ତମ ବନ୍ଧୁ । ମୋତେ ତାଙ୍କ ବିରୋଧରେ ପ୍ରଚାର କରିବାରେ ଲଜ୍ଜା ଅନୁଭବ ଲାଗିବ । ଏଥିପାଇଁ ମୋତେ ଏହି ପ୍ରଚାର ଅଭିଯାନରୁ ଦୂରରେ ରଖାଯାଉ । ନିକଟରେ ବିଜେପି ଛାଡି ତୃଣମୂଳ କଂଗ୍ରେସରେ ଯୋଗ ଦେଇଥିଲେ ବାବୁଲ ସୁପ୍ରିୟୋ । ହେଲେ ଏବେ ତାଙ୍କୁ ନିରାଶ ହେବାକୁ ପଡିଛି । ବାବୁଲ ସୁପ୍ରିୟୋ ଯେଉଁ ଆଶା ନେଇ ମମତା ବାନାର୍ଜୀଙ୍କ ପାର୍ଟିରେ ସାମିଲ୍ ହୋଇଥିଲେ, ତାହା ଏବେ ମଳିନ ପଡୁଥିବା ଦେଖିବାକୁ ମିଳିଛି ।