ଗିରଫ କଲେ ଗଳା କାଟିଦେବି : ୟୁପିର ବାବା

ପଦାରେ ପଡିଛି ପୁଣି ଜଣେ ବାବାଙ୍କ କଳା କାରନାମା। ମହିଳାଙ୍କୁ ଦୁର୍ବ୍ୟବହାର କରିଥିବା ଆସିଛି ଅଭିଯୋଗ। ଏହି ଅଭିଯୋଗ ଆସିବା ପରେ ସନ୍ଥ ଜଣକ ପୁଲିସକୁ ଦେଇଛନ୍ତି ଧମକ। ଗିରଫ କଲେ ନିଜ ଗଳା କାଟିଦେବି ବୋଲି କହିଛନ୍ତି ଏହି ବାବା। ଏଭଳି ଏକ ଘଟଣା ସାମ୍ନାକୁ ଆସିଛି ଉତ୍ତରପ୍ରଦେଶର ମଥୁରାରୁ। ଅଭିଯୋଗ ମୁତାବକ, ଗତ ଅକ୍ଟୋବର ୩ ତାରିଖରେ ପୀଡିତା ମହିଳା ଜଣକ ସ୍କୁଟ ଯୋଗେ ନିଜ ଘରକୁ ଯାଉଥିଲେ। ଏତିକି ବେଳେ ସେ ଦେବ ମୁରାରୀ ବାପୁଙ୍କ ଘର ସାମ୍ନାରେ ଥିବା ବ୍ରେକର୍‌ ଉପରେ ପଡି ଯାଇଥିଲେ। ଏହାପରେ ଦେବ ମୁରାରୀ ତାଙ୍କୁ ଦୁର୍ବ୍ୟବହାର କରିବା ସହ ତାଙ୍କୁ ଭୁଲ୍ ରୂପେ ଧକ୍କା ଦେଇଥିଲେ। ଏଥିସହ ସେ ପୁଲିସ ବିରୋଧରେ ଗୁରୁତର ଅଭିଯୋଗ ଆଣିଛନ୍ତି। ସେ କହିଛନ୍ତି ଯେ ଡିସେମ୍ବର ୬ ତାରିଖ ଦିନ ଶ୍ରୀକୃଷ୍ଣ ଜନମଭୂମି ସ୍ଥାନର ରାଜକୀୟ ଇଦ୍‌ଗାହ ​​ପାଇଁ ଆୟୋଜିତ ପଦଯାତ୍ରାକୁ ପୁଲିସ ଦୁର୍ବଳ କରିବାକୁ ଚାହୁଁଛି, ଏହା ମୋ ବିରୋଧରେ ଏକ ବଡ଼ ଷଡଯନ୍ତ୍ର। ଏଥିସହ ବୁଧବାର ଅପରାହ୍ନ ୨ଟାରେ ସେ ଆତ୍ମହତ୍ୟା କରିବେ ବୋଲି ଧମକ ଦେଇଥିଲେ। କିନ୍ତୁ ଏହାପୂର୍ବରୁ ପୁଲିସ ତାଙ୍କୁ ଗିରଫ କରିନେଇଛି। କେବଳ ସେତିକି ନୁହେଁ ୩ ଦିନ ପୂର୍ବେ ଅଭିଯୁକ୍ତମାନେ ତାଙ୍କ ପିଛା କରିଥିଲେ। ଏମାନେ ପୀଡିତାଙ୍କୁ ଜୀବନରେ ମାରିଦେବାକୁ ଧମକ ଦେଇଥିଲେ। ଏହି ମାମଲାରେ ସେ ସନ୍ଥ ଦେବ ମୁରାରୀ ବାପୁ, ଗୌରବ, ସୌରଭ ଏବଂ ଅନ୍ୟ ଦୁଇ ଜଣଙ୍କ ନାଁରେ ଥାନାରେ ଅଭିଯୋଗ କରିଛନ୍ତି।