ତିନି ମହଲା କୋଠା ଭୁଶୁଡି ୧୦ ମୃତ

ଆଜି ଭୋର ୩ଟା ୪୫ ମିନିଟ୍ରେ ମହାରାଷ୍ଟ୍ରର ଥାଣେ ଜିଲ୍ଲାର ଭିଫ୍ୱାଣ୍ତକେ ଏକ ତିନି ମହଲା କୋଠା ଭୁଶୁଡି ପଡିଥିଲା ।ପ୍ରଥମେ ୮ଜଣଙ୍କ ମୃତଦେହ ଉଦ୍ଧାର କରାଯାଇଥିବା ବେଳେ ଏବେ ଆଉ ଦୁଇଜଣଙ୍କ ମୃତଦେହ ଉଦ୍ଧାର କରାଯାଇଛି । ଯାହାଦ୍ୱାରା ମୃତୁ୍ୟସଂଖ୍ୟା ୧୦ରେ ପହଂଚିଛି । ଏନଡିଆରଏଫ ପକ୍ଷରୁ ଉଦ୍ଧାର କାର୍ଯ୍ୟ ଜାରି ରହିଛି ।ବର୍ତ୍ତମାନ ସୁଦ୍ଧା ଭଙ୍ଗା କୋଠରୀ ଭଗ୍ନସ୍ତୁପ ତଳୁ ୧୦ଜଣଙ୍କ ମୃତଦେହ ଉଦ୍ଧାରକାରୀ ଦଳ ବାହାର କରିଛନ୍ତି । ସେହିପରି ଭଗ୍ନସ୍ତ୍ୁପ ତଳୁ ୨୦ଜଣ ବ୍ୟକ୍ତିଙ୍କୁ ସ୍ଥାନୀୟ ଲୋକେ ସୁରକ୍ଷିତ ଉଦ୍ଧାର କରିଥିବାବେଳେ ଏବେ ବି ଅନେକ ଲୋକ ଭଗ୍ନସ୍ତୁପ ତଳେ ଫସି ରହିଥିବା ଜଣା ପଡିଛି । ଘଟଣା ବିଷୟରେ ପ୍ରଧାନମନ୍ତ୍ରୀ ମୋଦି ଜାଣିବା ପରେ ଶୋକ ପ୍ରକାଶ କରିବା ସହ ଟୁଇଟ କରି ମହାରାଷ୍ଟ୍ରର ଭିଫ୍ୱାଣ୍ତରେ କୋଠା ଭୁଶୁଡିବା ଘଟଣା ବିଷୟରେ ଜାଣି ମୁଁ ଦୁଖିତ । ଶୋକ ସନ୍ତପ ପରିବାରବର୍ଗଙ୍କୁ ମୁଁ ସମବେଦନା ଜଣାଉଛି । ଆହତମାନଙ୍କ ଶିଘ୍ର ଆରୋଗ୍ୟ ପାଇଁ ପ୍ରାର୍ଥନା କରୁଛି । ଉଦ୍ଦାର କାର୍ଯ୍ୟ ଚାଲିଛି ଏବଂ ପ୍ରଭାବିତ ଲୋକଙ୍କୁ ସମସ୍ତ ସମ୍ଭାବ୍ୟ ସହାୟତା ଯୋଗାଇ ଦିଆଯାଉଛି ବୋଲି ଲେଖିଛନ୍ତି ପ୍ରଧାନମନ୍ତ୍ରୀ ମୋଦୀ ।