ସଂସ୍କୃତ ଶିଖିବେ ପଞ୍ଜାବ ମୁଖ୍ୟମନ୍ତ୍ରୀ

ପଞ୍ଜାବରେ ବିଧାନସଭା ନିର୍ବାଚନ ହେବାକୁ ଯାଉଥିବାବେଳେ ମୁଖ୍ୟମନ୍ତ୍ରୀ ଚରଣଜିତ ସିଂ ଚନ୍ନି କଳେବଳେ କୌଶଳେ ପୁଣି କ୍ଷମତାକୁ ଫେରିବାକୁ ଲକ୍ଷ୍ୟ ରଖିଛନ୍ତି | ରବିବାର ଦିନ ଚନ୍ନି କହିଛନ୍ତି ଯେ ସେ ସଂସ୍କୃତ ଶିଖିବେ ଏବଂ ମହାଭାରତରେ ପିଏଚଡି କରିବେ। ସେ ନିକଟରେ ହିନ୍ଦୁ ଗ୍ରନ୍ଥ ରାମାୟଣ, ମହାଭାରତ ଏବଂ ଭଗବଦ୍ ଗୀତା ଉପରେ ଏକ ଗବେଷଣା କେନ୍ଦ୍ର ସ୍ଥାପନ କରିବାକୁ ଘୋଷଣା କରିଛନ୍ତି। ପ୍ରଭୁ ପର୍ଶୁରାମ ତପୋସ୍ଥଳର ଭିତ୍ତିପ୍ରସ୍ତର ସ୍ଥାପନ ଅବସରରେ ଏକ ସମାବେଶକୁ ସମ୍ବୋଧିତ କରି ସେ ଶିରୋମଣି ଅକାଳୀ ଦଳର ସଂରକ୍ଷକ ପ୍ରକାଶ ସିଂ ବାଦଲଙ୍କୁ ମହାଭାରତର ଧୃତରାଷ୍ଟ୍ରଙ୍କ ସହିତ ତୁଳନା କରିଥିଲେ। । ଚନ୍ନି କହିଛନ୍ତି ଯେ ସେ ସଂସ୍କୃତ ଭାଷା ଶିଖିବେ ଏବଂ ତା’ପରେ ମହାଭାରତରେ ତାଙ୍କର ପିଏଚଡି କରିବେ। ଚନ୍ନି କହିଛନ୍ତି,ମୋର ବର୍ତ୍ତମାନର ପିଏଚଡି ତିନି ମାସ ମଧ୍ୟରେ ଶେଷ ହେବ। ଚନ୍ନି କହିଛନ୍ତି ଯେ ପୁତ୍ର ପ୍ରେମ ପାଇଁ ସେ ତାଙ୍କ ଦଳକୁ ବର୍ବାଦ କରିଦେଇଛନ୍ତି | ମୁଖ୍ୟମନ୍ତ୍ରୀ କହିଛନ୍ତି ଯେ ଅନୁସନ୍ଧାନ କେନ୍ଦ୍ର ତିନୋଟି ହିନ୍ଦୁ ଶାସ୍ତ୍ର(ରାମାୟଣ, ମହାଭାରତ ଏବଂ ଭଗବଦ୍ ଗୀତା)ର ବାର୍ତ୍ତା ପ୍ରଦର୍ଶନ କରିବ । ସେ କହିଛନ୍ତି ଯେ ଯୁଗ ଯୁଗରୁ ଏହି ପୁସ୍ତକଗୁଡ଼ିକ ସମଗ୍ର ମାନବିକତା ପାଇଁ ପ୍ରେରଣା ପାଲଟିଛି | ବ୍ରାହ୍ମଣ ସମ୍ପ୍ରଦାୟ ସହିତ ତାଙ୍କ ସମ୍ପର୍କକୁ ନେଇ ସେ କହିଛନ୍ତି ଯେ ବ୍ରାହ୍ମଣଙ୍କ ସହ ତାଙ୍କର ଏକ ଦୃଢ ବନ୍ଧନ ଅଛି |