ଅଭିନେତା ସୁଶାନ୍ତ ସିଂହ ରାଜପୁତଙ୍କ ମୃତ୍ୟୁ ମାମଲାରେ ଟାର୍ଗେଟରେ ମହାରାଷ୍ଟ୍ର ସରକାର

ଅଭିନେତା ସୁଶାନ୍ତ ସିଂ ରାଜପୁତଙ୍କ ମୃତ୍ୟୁ ମାମଲାରେ ଟାର୍ଗେଟରେ ମହାରାଷ୍ଟ୍ର ସରକାର । ଭାରତୀୟ ଜନତା ପାର୍ଟି (ବିଜେପି) ସମେତ ଅନ୍ୟ ଦଳ ମଧ୍ୟ ସରକାରଙ୍କ ଉପରେ ଆକ୍ରମଣ କରୁଛନ୍ତି । ବର୍ତ୍ତମାନ ସିବିଆଇ ଏହି ମାମଲାର ତଦନ୍ତ ଆରମ୍ଭ କରିଥିବାବେଳେ କଂଗ୍ରେସ କିନ୍ତୁ ବିଜେପିକୁ ଟାର୍ଗେଟ କରିବାରେ ବ୍ୟସ୍ତ । କଂଗ୍ରେସର ସନ୍ଦେହ ଘେରରେ ସନ୍ଦୀପ ସିଂ । ତେବେ ସନ୍ଦୀପ ସିଂ ନିଜକୁ ଅଭିନେତା ସୁଶାନ୍ତ ସିଂ ରାଜପୁତଙ୍କ ବନ୍ଧୁ ବୋଲି କହିଛନ୍ତି।
ସନ୍ଦୀପ ସିଂଙ୍କ ସହ ବିଜେପିର ସମ୍ପର୍କକୁ ନେଇ କଂଗ୍ରେସ ପ୍ରଶ୍ନ ଉଠାଇଛି। କଂଗ୍ରେସର ରାଷ୍ଟ୍ରିୟ ମହାସଚିବ ସଚିନ ସାୱନ୍ତ ରବିବାର ଟ୍ବିଟ୍ କରି ସନ୍ଦୀପ ଏବଂ ଗୁଜୁରାଟର ବିଜେପି ସରକାରଙ୍କ ମଧ୍ୟରେ ହୋଇଥିବା ଚୁକ୍ତି ସମ୍ପର୍କରେ ଅଭିଯୋଗ କରିଛନ୍ତି। ୨୦୧୭ ରୁ ୨୦୧୯ ପର୍ୟ୍ୟନ୍ତ ସନ୍ଦୀପଙ୍କ କମ୍ପାନୀର ତିନି ବର୍ଷର ଆର୍ଥିକ ଫଳାଫଳ ବିଷୟରେ ଉଲ୍ଲେଖ କରି ସାୱନ୍ତ ମଧ୍ୟ ବିଜେପି ଉପରେ ଅନେକ ପ୍ରଶ୍ନ କରିଥିଲେ।ସେ କହିଛନ୍ତି ଯେ ୨୦୧୯ ମସିହାରେ ଗୁଜୁରାଟର ମୁଖ୍ୟମନ୍ତ୍ରୀ ବିଜୟ ରୂପାନି, ସନ୍ଦୀପ ସିଂଙ୍କ କମ୍ପାନୀ ସହ ୧୭୭ କୋଟି ଟଙ୍କା ମୂଲ୍ୟର ଚୁକ୍ତି ସ୍ବାକ୍ଷର କରିଛନ୍ତି। ସେ ପ୍ରଶ୍ନ କରିଛନ୍ତି , ‘ସରକାରଙ୍କ ଠାରୁ ସେ ଏହି ଅର୍ଥ ପାଇଥିବା ବ୍ୟକ୍ତି ଜଣକ କିଏ ? ମୋଦିଙ୍କ ବାୟୋପିକ୍ ବିଷୟରେ ଏହି ଏମଓୟୁ ଥିଲା କି ? ଏହା ଏକ ଅଗ୍ରୀମ ଟୋକନ୍ ଥିଲା କି ?’ବୋଲି ପ୍ରଶ୍ନ କରିଛି ।