କୋରନା ଆକ୍ରାନ୍ତ ୨ ଯୋଦ୍ଧା ମୃତ

ଦିନକୁ ଦିନ କରୋନା ଆକ୍ରାନ୍ତଙ୍କ ସଂଖ୍ୟା ବଢ଼ିବାରେ ଲାଗିଛି । ସଂକ୍ରମଣକୁ ଡରି ଏହି ସମୟରେ ସମସ୍ତେ ଗୃହବନ୍ଦୀ ଥିବା ବେଳେ କରୋନା ଯୋଦ୍ଧା ସାଜିଥିବା ଗଣମାଧ୍ୟମ ପ୍ରତନିଧିମାନେ ନିର୍ଭୀକଭାବେ ବାହାରକୁ ଯାଇ ସମ୍ବାଦ ପରିବେଶଣ କରୁଛନ୍ତି । ଫଳରେ ବିଗତ କିଛି ଦିନ ମଧ୍ୟରେ ବହୁ ଯୋଦ୍ଧା କରୋନା ପ୍ରକୋପର ଶିକାର ହୋଇଛନ୍ତି । ତେବେ ଗତକାଲି କୋରନା ଆକ୍ରାନ୍ତ ଥିବା ହିଜିଂଳିକାଟୁ ପ୍ରେସ କ୍ଲବର ସଭାପତି ସାମ୍ବାଦିକ ପ୍ରିୟଦର୍ଶୀ ପଟ୍ଟନାୟକ (୪୬) ଏବଂ ଗଜପତି ଜିଲ୍ଲା ଅନ୍ତର୍ଗତ ପାରଳାଖେମୁଣ୍ଡିର ବରିଷ୍ଠ ସାମ୍ବାଦିକ କେ ସି.ଏଚ୍‌.ରତନମ୍‌ଙ୍କର ପରଲୋକ ଘଟିଛି ।

ସମାଜ ଖବରକାଗଜରେ ସମ୍ବାଦ ପରିବେଶଣ କରୁଥିବା ସାମ୍ବାଦିକ ଶ୍ରୀ ପଟ୍ଟନାୟକ କିଛି ଦିନ ପୂର୍ବେ କରୋନା ପଜିଟିଭ ଚିହ୍ନଟ ହୋଇଥିଲେ । ଚିକିତ୍ସା ପାଇଁ ତାଙ୍କୁ ପ୍ରଥମେ ବ୍ରହ୍ମପୁର ଶିତଳାପଲ୍ଲୀ କୋଭିଡ ଡାକ୍ତରଖାନାରେ ଭର୍ତ୍ତି କରାଯାଇଥିଲା । ପରେ ତାଙ୍କୁ ରାଜଧାନୀ ସ୍ଥିତ କିମସ କୋଭିଡ କେୟାରକୁ ସ୍ଥାନାନ୍ତରିତ କରାଯାଇଥିଲା । ୭ଦିନ ପର୍ଯ୍ୟନ୍ତ କୋରନା ସହ ସଂଗ୍ରାମ କରିବା ପରେ ଗତ ଶନିବାର ତାଙ୍କର ମୃତ୍ୟୁ ଘଟିଛି ।

ସେହିପରି ତେଲୁଗୁ ପେପର ଇନାଡୁରେ କାର୍ଯ୍ୟରତ ଥି ବା ସାମ୍ବାଦିକ ଶ୍ରୀ ରତନମ୍‌ଙ୍କର ସ୍ୱାସ୍ଥ୍ୟ ଅବସ୍ଥା ଠିକ୍ ନଥିବାରୁ ଭୁବନେଶ୍ୱର ସ୍ଥିତ ହାଇଟେକ୍ ମେଡିକାଲରେ ଚିକିତ୍ସିତ ହେଉଥିଲେ । ସେଠାରେ ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ଘଟିଛି । ତାଙ୍କର କୋଭିଡ଼ ପରୀକ୍ଷା କରାଯିବାରୁ ରିପୋର୍ଟ ପଜେଟିଭ୍ ଆସିଥିଲା ।