ବିଏସଏଫ୍ ଗୁଳିରେ ୫ ଅନୁପ୍ରବେଶକାରୀ ନିହତ

ନୂଆଦିଲ୍ଲୀ: ବିଏସ୍ଏଫ ଗୁଳିରେ ୫ଜଣ ଅନୁପ୍ରବେଶକାରୀ ନିହତ । ଶନିବାର ପଞ୍ଜାବସ୍ଥିତ ଭାରତ-ପାକିସ୍ତାନ ଅନ୍ତର୍ଜାତୀୟ ସୀମାରେ ଏହି ଘଟଣା ଘଟିଥିବା ଜଣେ ବରିଷ୍ଠ ଅଧିକାରୀ ସୂଚନା ଦେଇଛନ୍ତି । ଅନୁପ୍ରବେଶକାରୀମାନେ ପଞ୍ଜାବର ତରନ ତାରନ ଜିଲ୍ଲା ଦେଇ ଭାରତକୁ ପ୍ରବେଶ କରିବାକୁ ଉଦ୍ୟମ କରୁଥିବା ବେଳେ ସୁରକ୍ଷା ବଳ ପ୍ରତିବାଦ କରିଥିଲା । ଏହା ପରେ ଅନୁପ୍ରବେଶକାରୀମାନେ ଗୁଳି ଚାଳନା କରିଥିଲେ । ଏହାର ପ୍ରତିଉତ୍ତରରେ ବିଏସଏଫ୍ ଯବାନମାନେ ପାଲଟା ଗୁଳି ଚଳାଇଥିଲେ । ଫଳରେ ୫ଜଣ ଅନୁପ୍ରବେଶକାରୀ ନିହତ ହୋଇଥିବା ଜଣାପଡିଛି । ୧୦୩ ବାଟିଲିୟନ ସଜାଗ ରହିଥିବା ବେଳେ ସୈନିକମାନେ ଅନ୍ତର୍ଜାତୀୟ ସୀମାରେ ସନେ୍ଦହଜନକ ଗତିବିଧିକୁ ତଦାରଖ କରୁଛନ୍ତି । ସଂପୃକ୍ତ ଅଞ୍ଚଳରେ ସର୍ଚ ଅପରେସନ୍ ଜାରି ରହିଛି । ବର୍ତ୍ତମାନ ସୁଦ୍ଧା ୫ଜଣଙ୍କର ମୃତ ଶରୀର, ଏକେ-୪୭ ରାଇଫଲ୍, ୩ଟି ପିସ୍ତଲ ଓ ଗ୍ରେନେଡ୍ ଉଦ୍ଧାର କରାଯାଇଛି ।

Alert troops of 103 battalion of BSF noticed suspicious movement of intruders violating International Border along Tarn Taran, Punjab.Upon being challenged to stop,intruders fired upon BSF troops who retaliated in self-defence. Resultantly,5 intruders were shot. Search ops on:BSF pic.twitter.com/6PhA4mY6RC

— ANI (@ANI) August 22, 2020