ଗୁଗୁଲର ଅଭିନବ ପ୍ରୟାସ, ଚାକିରି ଖୋଜିବାରେ ସାହାଯ୍ୟ କରିବ କୋରମୋ ଆପ୍

ନୂଆଦିଲ୍ଲୀ: ବୁଧବାର ଗୁଗୁଲ ଏକ ଜବ୍ ଆପ ‘କୋରମୋ ଆପ୍’ ର ବିସ୍ତାର କରିଛି । କରୋନା ମହାମାରୀ ସମୟରେ ବେକାରୀ ଯୁବକମାନଙ୍କୁ ରୋଜଗାର ଯୋଗାଇବା ପାଇଁ ଏହା ଏକ ଅଭିନବ ପ୍ରୟାସ । ଭାରତରେ ରୋଜଗାର ଖୋଜୁଥିବା କୋଟି କୋଟି ଯୁବବର୍ଗଙ୍କୁ ଦୃଷ୍ଟିରେ ରଖି ଗୁଗୁଲ ଏହି ଆପର ବିସ୍ତାର କରିଛି । ଫଳରେ ଏହି ଆପ ଜରିଆରେ ଲୋକମାନେ ରୋଜଗାର ସମ୍ବନ୍ଧୀୟ ଅନେକ ସୂଚନା ପାଇ ପାରିବେ । କମ୍ପାନୀ ଭାରତରେ କୋରମୋ ଜନ୍ସ ରୂପେ ଗୁଗୁଲ ପେରେ ଜବ ସ୍ପଟକୁ ପୁନଃ ବିକଶିତ କରୁଛି । ଜବର ଏଣ୍ଟ୍ରି ଲିଭେଲ୍ସ ପାଇଁ ଓପନ କଲର ଚିହ୍ନଟ କରିବାରେ ଏହା ସାହାଯ୍ୟ କରିବ । ଏଥିରେ ସିଭି ତିଆରି କରିବାରେ ସାହାଯ୍ୟ ପାଇଁ ମଧ୍ୟ ଡିଜାଇନ କରାଯାଇଛି । କୋରମୋ ଜନ୍ସର ଆଞ୍ଚଳିକ ପ୍ରବନ୍ଧକ ତଥା ସଞ୍ଚାଳକ ପ୍ରମୁଖ ବିକି ରସେଲ କହିଛନ୍ତି କମ୍ପାନୀ ଭବିଷ୍ୟତରେ ଏହି ଆପରେ ନୂତନ ସୁବିଧା ଏବଂ ନିଯୁକ୍ତି ପାଇଁ ନିବେଶ କରିବା ଜାରି ରଖିବ । କମ୍ପାନୀ ୨୦୧୮ରେ ଏହି କୋରମୋ ଆପକୁ ବାଙ୍ଗଲାଦେଶରେ ଲଞ୍ଚ କରିଥିଲା । ଗତ ବର୍ଷ ଇଣ୍ଡୋନେସିଆରେ ମଧ୍ୟ ବିସ୍ତାର କରିବା ସହ ଭାରତରେ ବ୍ରାଣ୍ଡ ପେ ଆଧାରରେ ଗୁଗୁଲ ପେ ଆପରେ ଉପଲବ୍ଧ କରାଇଥିଲା ।