ଡଅଁରମୁଣ୍ଡ ଗାଁରେ ଭୟାବହ ଅଗ୍ନିକାଣ୍ଡ ଅଗ୍ନିକାଣ୍ଡ

ମହାକାଳପଡା: କେନ୍ଦ୍ରାପଡା ଜିଲ୍ଲା ମାର୍ଶାଘାଇ ବ୍ଲକ ଡଅଁରମୁଣ୍ଡ ଗାଁରେ ଅଗ୍ନିକାଣ୍ଡ ଘଟିଛି । ଅଗ୍ନିକାଣ୍ଡରେ ପ୍ରହଲ୍ଲାଦ ବେଉରାଙ୍କ ୪ ବଖରା ଘର ସଂପୂର୍ଣ୍ଣ ପୋଡି ପାଉଁଶ ହୋଇଯାଇଛି । ବୁଧବାର ବିଳମ୍ବିତ ରାତିରେ ଅଗ୍ନିକାଣ୍ଡ ଘଟିଥିବାରୁ ନିଆଁର ପ୍ରକୋପ ବହୁତ ଅଧିକ ଥିଲା । ପଡୋଶୀ ଯୁବକ ଜଣଙ୍କ ଅଗ୍ନିକାଣ୍ଡ ଦେଖି ଲୋକମାନଙ୍କୁ ଘରୁ ବାହାର କରିଥିଲେ । ଏହି ନିଆଁରେ ଘରେ ଥିବା ଆସବାବପତ୍ର ସମେତ ଧାନ, ଚାଉଳ, ରୋଷେଇ ସାମଗ୍ରୀ ସଂପୂର୍ଣ୍ଣ ନଷ୍ଟ ହୋଇଯାଇଛି । ଖବରପାଇ ମାର୍ଶାଘାଇ ଦମକଳ ବାହିନୀ ଆସି ନିଆଁକୁ ଆୟତ୍ତ କରିଥିଲା ।