ଜନତା କର୍ଫ୍ୟୁକୁ ପୁରିଲା ବର୍ଷେ

ଦେଶରେ ଜନତା କର୍ଫ୍ୟୁକୁ ବର୍ଷେ ପୁରିଛି । ଠିକ୍‌ ବର୍ଷେ ପୂର୍ବରୁ ଆଜିର ଦିନରେ ଭାରତରେ ସକାଳ ୭ରୁ ରାତି ୯ଟା ଯାଏଁ ୧୪ ଘଣ୍ଟିଆ କଟକଣା ଲାଗୁ ହୋଇଥିଲା । ଜରୁରୀ କାରବାର ବ୍ୟତିତ ଅନ୍ୟ ସମସ୍ତ ସେବା ଏକଦମ୍‌ ଠପ୍‌ ହୋଇଯାଇଥିଲା । କରୋନା ମହାମାରୀକୁ ରୋକିବା ଦିଗରେ ଏକ ସ୍ବତନ୍ତ୍ର ପଦକ୍ଷେପ ନେଇ ସାରା ଦେଶ​‌ରେ ୨୦ ମାର୍ଚ୍ଚ ୨୦୨୦ରେ ଜନତା କର୍ଫ୍ୟୁ ଘୋଷଣା କରିଥିଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଦେଶବାସୀ ମଧ୍ୟ ଜନତା କର୍ଫ୍ୟୁକୁ ଅଭୂତପୂର୍ବ ସମର୍ଥନ କରିଥିଲେ ଏବଂ ପ୍ରଧାନମନ୍ତ୍ରୀଙ୍କ ଆହ୍ବାନକୁ ପାଳନ କରିଥିଲେ ।  ଜନତା କର୍ଫ୍ୟୁର ତିନି ଦିନ ପରେ ଦେଶବ୍ୟାପି ଲକଡାଉନ୍ ଘୋଷଣା ହୋଇଥିଲା । ୨୫ ମାର୍ଚ୍ଚ ୨୦୨୦ରେ ପିଏମ୍ ଲକଡାଉନ୍ ଘୋଷଣା କରିଥିଲେ । ପୁରା ଦେଶ ତାଲାବନ୍ଦ ହୋଇଥିଲା । କେବଳ ଜରୁରୀକାଳିନ ସେବା ବ୍ୟବସ୍ଥା ବ୍ୟତିତ ଆଉ ସବୁକିଛି ବନ୍ଦ ରହିଥିଲା । ପୂର୍ଣ୍ଣ ଲକଡାଉନର ତିନି ମାସ ପରେ ଜୁନ୍ ମାସରୁ ଅନଲକ୍ ପ୍ରକ୍ରିୟା ଆରମ୍ଭ ହୋଇଥଲା । ସେପ୍ଟେମ୍ବର ୨୦୨୦ରେ ଭାରତରେ କରୋନା ପିକ୍ ରେ ପହଂଚିଥିଲା । କିନ୍ତୁ ୨୦୨୧ ଆସୁ ଆସୁ ସ୍ଥିତି ସାମାନ୍ୟ ହେବାରେ ଲାଗିଲା । ତେବେ ମହାରାଷ୍ଟ୍ର ଭଳି କେତେକ ରାଜ୍ୟରେ କରୋନା ଏବେ ପୁଣି ମୁଣ୍ଡ ଟେକିଛି । ଯାହାକୁ ନେଇ ଆଶଙ୍କା କରାଯାଉଛି ଯେ, କରୋନା ପୁଣି ଫେରୁଛି ।