ଭାରତ ସହ ସମ୍ପର୍କ ଯୋଡ଼ିବାକୁ ତାଲିବାନ ସରକାରଙ୍କ ପ୍ରଚେଷ୍ଟା

ଆଫଗାନିସ୍ତାନରେ କ୍ଷମତାକୁ ଆସିବା ପରେ ପ୍ରଥମ ଥର ପାଇଁ ଭାରତ ସହ ସମ୍ପର୍କ ଯୋଡ଼ିବା ପାଇଁ ପ୍ରୟାସ କରିଛି ତାଲିବାନ। ଆଫଗାନିସ୍ତାନର ଇସଲାମିକ୍ ଏମିରେଟର ନୂତନ ଶାସକ ଭାରତର ଡିଜିସିଏକୁ ଏହି ଚିଠି ଲେଛଖିଛନ୍ତି । ମହାନିର୍ଦ୍ଦେଶକ ଅରୁଣ କୁମାରଙ୍କୁ ଦିଆଯାଇଥିବା ଏହି ଚିଠି ଆଫଗାନିସ୍ତାନ ବେସାମରିକ ବିମାନ ଚଳାଚଳ ପ୍ରାଧିକରଣର କାର୍ଯ୍ୟକାରୀ ମନ୍ତ୍ରୀ ଅଲହାଜ ହେମିଦୁଲ୍ଲା ଅଖୁନଜଡା ଲେଖିଛନ୍ତି। ସେପ୍ଟେମ୍ବର ୭ ତାରିଖରେ ଏହି ଚିଠି ହୋଇଛି। ସେଥିରେ ଲେଖାଯାଇଛି, ଆପଣ ଅବଗତି ଥିବେ ଯେ, ଆମେରିକା ସେନା ପ୍ରତ୍ୟାହାର ପୂର୍ବରୁ କାବୁଲ ବିମାନ ବନ୍ଦରକୁ ଅକାମି କରିଦିଆଯାଇଥିଲା । ଆଫଗାନିସ୍ତାନକୁ ଅକ୍ତିଆରକୁ ନେବା ପରେ ଭାରତ ସହ ସମସ୍ତ ପ୍ରକାର ବ୍ୟାବସାୟିକ ସମ୍ପର୍କ ଚ୍ଛିନ୍ନ କରି ଥିଲା ତାଲିବାନ୍ । ତାଲିବାନର ଭାରତ ସହ ସମସ୍ତ ପ୍ରକାର ଆମଦାନୀ, ରପ୍ତାନୀରେ ରୋକ ଲଗାଇଥିଲା। ପାକିସ୍ତାନ ଦେଇ ଭାରତ-ଆଫଗାନିସ୍ତାନ ମଧ୍ୟରେ ଆମଦାନୀ, ରପ୍ତାନୀ ହୋଇଥାଏ । ହେଲେ ଏବେ ତାଲିବାନ ପାକିସ୍ତାନର ଟ୍ରାଞ୍ଜିଟ ରୁଟ୍‌ ଦେଇ ଚଳାଚଳ କରୁଥିବା କାର୍ଗୋ ଉପରେ ରୋକ ଲାଗିଥିଲା ।