ପଞ୍ଜାବ କନ୍ଦଳ ନେଇ ପାକିସ୍ତାନ ଖୁସି : ମନୀଷ ତିୱାରୀ

ପଞ୍ଜାବରେ ଚାଲିଥିବା କଂଗ୍ରେସ ସଙ୍କଟ ଶେଷ ହେବା ପରିବର୍ତ୍ତେ ବଢ଼ିବାରେ ଲାଗିଛି। କଂଗ୍ରେସର ବରିଷ୍ଠ ନେତା ତଥା ସାଂସଦ ମନୀଷ ତିୱାରୀ ପଞ୍ଜାବର ବର୍ତ୍ତମାନର ପରିସ୍ଥିତିକୁ ନେଇ ଉଦ୍ବେଗ ପ୍ରକାଶ କରିବା ସହିତ ନବଜୋତ ସିଂ ସିଦ୍ଧୁଙ୍କ ନାମ ନ ନେଇ ତାଙ୍କୁ ସମାଲୋଚନା କରିଛନ୍ତି। ସେ କହିଛନ୍ତି ଯେ, ଗତ କିଛି ଦିନ ମଧ୍ୟରେ ପଞ୍ଜାବରେ ଘଟିଥିବା ଘଟଣା ଦୁର୍ଭାଗ୍ୟଜନକ। ଯଦି ପଞ୍ଜାବର ଅସ୍ଥିରତାକୁ ନେଇ କେହି ଖୁସି ଅଛନ୍ତି, ତେବେ ସେ ହେଉଛି ପାକିସ୍ତାନ । ସେମାନେ ଅନୁଭବ କରୁଛନ୍ତି ଯେ ଯଦି ପଞ୍ଜାବରେ ରାଜନୈତିକ ଅସ୍ଥିରତା ବଢ଼େ, ତେବେ ସେମାନେ ସେମାନଙ୍କର ଯୋଜନା କାର୍ଯ୍ୟକାରୀ କରିବାକୁ ଆଉ ଏକ ସୁଯୋଗ ପାଇବେ। ଏକ ବର୍ଷ ଧରି ପଞ୍ଜାବର କୃଷକମାନେ କୃଷି ଆଇନ ରଦ୍ଦ କରିବାକୁ ଦାବି କରି ରାସ୍ତାରେ ବସିବାକୁ ବାଧ୍ୟ ହେଉଛନ୍ତି।